ایرانی پاسداران انقلاب گارڈ نے اسرائیل پر حملے بعد کہا ہے کہ ہم نے اسماعیل ہنیہ اور حزب اللہ کے سیکریٹری جنرل حسن نصراللہ پر حملے کا بدلہ لیا ہے۔
اسرائیل پر میزائل داغنے کے بعد اپنے ایک بیان میں انہوں نے کہاکہ ایران نے اسرائیل پر متعدد میزائل داغے ہیں۔
یہ بھی پڑھیں ایران نے اسرائیل پر میزائلوں کی بارش کر دی، مسلح افراد کی زمینی راستے سے بھی یلغار، متعدد اسرائیلی ہلاک
پاسداران انقلاب کے مطابق اسرائیل کی جانب داغے گئے میزائلوں نے فوجی اہداف کو نشانہ بنایا ہے۔ انہوں نے خبردار کیاکہ اب اگر اسرائیل نے کارروائی کی تو اسے شدید جوابی کارروائی کا سامنا کرنا پڑےگا۔
واضح رہے کہ ایران کی جانب سے اسرائیل پر 400 سے زیادہ میزائل داغے گئے ہیں، جس کے بعد مقبوضہ بیت المقدس میں سائرن بج اٹھے۔
دوسری جانب غیرملکی میڈیا رپورٹس کے مطابق کچھ مسلح افراد زمینی راستے سے بھی اسرائیل میں گھس گئے ہیں، اور فائرنگ سے متعدد اسرائیلی ہلاک ہوگئے ہیں۔
یہ بھی یاد رہے کہ اسرائیل کی جانب سے شام میں اسرائیلی سفارتخانے پر حملے کے بعد اپریل میں ایران نے اسرائیل پر متعدد میزائل داغے تھے۔
یہ بھی پڑھیں مسلم اُمہ متحد ہو کر لبنان کے عوام اور حزب اللہ کا ساتھ دے، آیت اللہ خامنہ ای
اس کے بعد حماس کے سیاسی شعبہ کے سربراہ کی ایران میں شہادت کے بعد ایران پر دباؤ تھا کہ وہ اسرائیل پر حملہ کرے۔
