پاکستان تحریک انصاف نے حکومتی میزبانی میں ایوان صدر میں منعقد ہونیوالی یکجہتی فلسطین آل پارٹیز کانفرنس میں شرکت نہ کرنے کا فیصلہ کیا ہے۔
یہ بھی پڑھیں: فلسطین پر 7 اکتوبر کو وزیراعظم کی سربراہی میں آل پارٹیز کانفرنس بلانے، یوم یکجہتی منانے کا فیصلہ
میڈیا رپورٹس کے مطابق فلسطین اور غزہ کے عوام سے اظہار یکجہتی کے لیے ایوان صدر میں آل پارٹیز کانفرنس منعقد کی جارہی ہے، جس کی مشترکہ میزبانی صدر آصف زرداری اور وزیراعظم شہبازشریف کریں گے۔
تاہم اس ضمن میں پاکستان تحریک انصاف نے ایوان صدر میں ہونیوالی آل پارٹیز کانفرنس میں شرکت نہ کرنے کا فیصلہ کیا ہے، اپنے ایک بیان میں پارٹی سربراہ بیرسٹر گوہر خان کا کہنا ہے کہ اے پی سی میں شرکت کا دعوت نامہ ان کے نام پر موصول ہوا تھا، لیکن موجودہ حالات کے پیش نظر وہ اے پی سی میں شرکت نہیں کر سکتے۔
مزید پڑھیں: بلاول بھٹو کی فلسطین پر آل پارٹیز کانفرنس کے حکومت کے فیصلے کا خیرمقدم
واضح رہےکہ وزیر اعظم شہباز شریف نے گزشتہ ہفتے چیئرمین پیپلز پارٹی بلاول بھٹو زرداری اور امیر جماعت اسلامی حافظ نعیم الرحمٰن سے ملاقات کے بعد 7 اکتوبر کو فلسطینیوں کےساتھ یکجہتی کی غرض سے آل پارٹیز کانفرنس بلانے کا اعلان کیا تھا۔
