پنجاب اسمبلی کے اسپیکر ملک محمد احمد خان نے مخصوص نشستوں سے متعلق فیصلے کے لیے الیکشن کمیشن کو ایک اور خط لکھ دیا۔
اسپیکر پنجاب اسمبلی نے الیکشن کمیشن سے انتخابات ترمیمی ایکٹ 2024 کے فوری نفاذ کا مطالبہ کیا ہے۔
یہ بھی پڑھیں مخصوص نشستوں کا معاملہ، ایاز صادق کے بعد اسپیکر پنجاب اسمبلی نے بھی الیکشن کمیشن کو خط لکھ دیا
اسپیکر نے خط میں لکھا ہے کہ پارلیمانی بالادستی جمہوریت کا بنیادی اصول ہے، انتخابات ایکٹ 2024 پر عملدرآمد میں تاخیر عوام کی مرضی کے خلاف ہے۔
انہوں نے کہاکہ الیکشن کمیشن کو پارلیمنٹ کی قانون سازی کا احترام کرنا چاہیے، انتخابات ایکٹ پر فوری عملدرآمد جمہوری نظام کی سالمیت کے لیے ضروری ہے۔
اسپیکر نے خط میں لکھا کہ پارلیمنٹ کے تقدس کو برقرار رکھنا سب کی ذمہ داری ہے، انتخابات ترمیمی ایکٹ 2024 کے نفاذ میں مزید تاخیر ناقابلِ قبول ہے۔
واضح رہے کہ اسپیکر قومی اسمبلی سردار ایاز صادق نے بھی الیکشن کمیشن کو دوسرا خط لکھتے ہوئے الیکشن ترمیمی ایکٹ پر عملدرآمد کا مطالبہ کیا ہے۔
یہ بھی پڑھیں پارلیمنٹ بالادست ادارہ، اسپیکر کا الیکشن کمیشن کو خط سنگ میل ہے، وزیر اطلاعات
اسپیکر قومی اسمبلی نے الیکشن کمیشن کو خط میں کہا ہے کہ الیکشن ترمیمی بل2024 پاس ہوچکا لہٰذا الیکشن کمیشن خواتین اور غیرمسلم اراکین کی مخصوص نشستوں سے متعلق جلد فیصلہ کرے۔
