پاکستان اور انگلینڈ کے درمیان ٹیسٹ سیریز کے دوسرے میچ میں کیریئر کا پہلا میچ کھیل کر سینچری اسکور کرنے والے بیٹر کامران غلام نے کہا ہے کہ مجھے 4 سال سے اسی دن کا انتظار تھا۔
میچ کے بعد گفتگو کرتے ہوئے انہوں نے کہاکہ مجھے انتظار تھا کہ ٹیم میں کب موقع ملے گا، اور جب موقع ملا تو 100 فیصد کارکردگی پیش کرنے کی کوشش کی۔
یہ بھی پڑھیں ’اب تو بابر اعظم پکے پکے ٹیسٹ ٹیم سے آؤٹ ہو جائیں گے‘ کامران غلام کی سینچری پر صارفین کے تبصرے
انہوں نے کہاکہ مجھے چانس ملنے کا انتظار تھا، میں ڈومیسٹک میں ایسی ہی کرکٹ کھیلتا رہا ہوں۔
کامران غلام نے کہاکہ اپنے پہلے ہی میچ میں سینچری اسکور کرنے پر اللہ کا شکر ادا کرتا ہوں، جب وکٹ پر آیا تو پریشر بہت تھا، لیکن اپنی طرف سے 100 فیصد دینے کی کوشش کی۔
واضح رہے کہ انگلینڈ کے خلاف ٹیسٹ سیریز کے دوسرے میچ میں کامران غلام نے ایک چھکے اور 9 چوکوں کی مدد سے سینچری اسکور کی، اور 118 رنز بنا کر آؤٹ ہوئے۔
یہ بھی پڑھیں پاک انگلینڈ سیریز، ملتان ٹیسٹ میں پہلے روز کا کھیل ختم، قومی ٹیم نے 259 رنز بنالیے
پہلے ہی میچ میں نمایاں کارکردگی کا مظاہرہ کرنے پر کامران غلام کو سراہا جارہا ہے، سوشل میڈیا صارفین کہہ رہے ہیں کہ اب تو بابر اعظم پکے پکے ٹیسٹ ٹیم سے آؤٹ ہوجائیں گے۔
