پاکستان میں موجود غیر ملکی سرمایہ کاروں نے منافع کی مد میں رواں مالی سال کے پہلے 8 ماہ میں 22 کروڑ 51 لاکھ ڈالرز اپنے ممالک منتقل کیے ہیں۔
اسٹیٹ بینک کے اعداد و شمار کے مطابق جولائی سے فروری تک غیر ملکی سرمایہ کاروں نے براہ راست بیرونی سرمایہ کاری پر منافع کی مد میں 18 کروڑ 81 لاکھ ڈالرز اور پورٹ فولیو سرمایہ کاری پر منافع کی مد میں 3 کروڑ 69 لاکھ ڈالرز اپنے ممالک منتقل کیے۔
گزشتہ مالی سال کی اسی مدت میں غیر ملکی سرمایہ کاروں نے منافع کی مد میں مجموعی طور پر 1.146 ارب ڈالر کا منافع اپنے ممالک منتقل کیا تھا۔
گزشتہ مالی سال کے دوران غیر ملکی سرمایہ کاروں نے براہ راست غیر ملکی سرمایہ کاری پر منافع کی مد میں 1.037 ارب ڈالر اور پورٹ فولیو سرمایہ کاری پر منافع کی مد میں 10 کروڑ 86 لاکھ ڈالرز اپنے ممالک منتقل کیے تھے۔
