انٹرنیٹ پر آئے روز عجیب و غریب سوالات اور موضوعات زیربحث رہتے ہیں۔ حال ہی میں سوشل میڈیا پر ریاضی کے ایک آسان سوال اور اس کے جواب سے متعلق میاں بیوی میں ہونے والی بحث سوشل میڈیا پر زیرگردش ہے اور صارفین بھی اس آسان سوال کے 2 الگ الگ جوابات پر تقسیم نظر آتے ہیں۔
غیرملکی میڈیا رپورٹس کے مطابق، انسٹاگرام اکاؤنٹ ’@bowaledeen‘ سے ایک ویڈیو شیئر کی گئی ہے جس میں ایک کار سوار خاتون اپنے شوہر سے انگریزی میں سوال کرتی ہے، ’What is half of 4 + 4?‘۔
یہ بھی پڑھیں: ’آؤ آؤ، بچے پیدا کرکےلاکھوں کماؤ‘،کمپنی کی عجیب آفر نے لوگوں کو چونکادیا
خاتون کا شوہر اس آسان سے سوال کا جواب ’4‘ دیتا ہے کیونکہ اگر ہم 4 اور 4 کو جمع کریں تو 8 اور پھر اس کا نصف کریں تو جواب 4 آتا ہے۔ تاہم، خاتون اپنے شوہر کے دیے گئے جواب کو غلط قرار دیتی ہے، جس پر اس کا شوہر تذبذب کا شکار نظر آتا ہے مگر وہ اپنے جواب پر قائم رہتا ہے۔ اس کے بعد دونوں میاں بیوی بحث کرنے لگتے ہیں۔
View this post on Instagram
بعد ازاں، یہ ویڈیو انٹرنیٹ پر شیئر کی گئی اور اس کا کیپشن تھا ’کیا آپ جواب جانتے ہیں؟‘
ویڈیو کے انٹرنیٹ پر شیئر ہوتے ہی صارفین کمنٹ سیکشن میں اپنی اپنی رائے کا اظہار کرنے لگتے ہیں۔ کمنٹ سیکشن میں کسی صارف نے خاتون کے شوہر کے جواب کو درست قرار دیا تو کسی نے خاتون کی میتھس کا مذاق اڑایا۔
یہ بھی پڑھیں: چیٹ جی پی کا نیاورژن: ریاضی کے پیچیدہ مسائل سلجھائے اور فلرٹ بھی کرے
البتہ ایک صارف خاتون کے پوچھے گئے سوال کا جواب دیتا ہے کہ خاتون نے ’half of 4‘ کو 4 سے جمع کرنے کا کہا ہے، جس کا جواب 6 ہے، چونکہ 4 کا نصف 2 ہے اور سوال کے مطابق 4 کے نصف یعنی 2 کو 4 میں جمع کرنا ہے، لہٰذا اس سوال کا جواب 6 ہے۔
تاہم، خاتون کے شوہر کا جواب بھی غلط نہیں اور اس نے ریاضی کے ’بریکٹس‘ کے اصولوں کے مطابق درست جواب دیا ہے۔ یہ خاتون کا سوال پوچھنے کا انداز تھا جس نے صارفین کو پریشانی اور تجسس میں مبتلا کیا تھا۔
