وزیر اعلیٰ بلوچستان کا لینڈ مافیا کیخلاف آپریشن تیز کرنے کا حکم دے دیا۔
وزیر اعلیٰ بلوچستان میر سرفراز بگٹی کی زیر صدارت اعلیٰ سطحی اجلاس ہوا، جس میں صوبے میں لینڈ مافیا کے خلاف کارروائی کی پیش رفت کا جائزہ لیا گیا۔
یہ بھی پڑھیں:بلوچستان میں میرٹ پر بھرتیاں کی جائیں گی، سرفراز بگٹی
اجلاس میں چیف منسٹر کمپلینٹ سیل میں قبضہ مافیا کیخلاف درج ہونے والی شکایات پر غور کیا گیا۔جس کے بعد ہی وزیر اعلیٰ بلوچستان کا لینڈ مافیا کیخلاف آپریشن تیز کرنے کا حکم دیا۔
اس موقع پر وزیراعلیٰ سرفراز بگٹی نے خطاب کرتے ہوئے کہا کہ قبضہ مافیا سے تمام مقبوضہ اراضی واہ گزار کرائی جائے۔کوئی قانون سے بالا تر نہیں، بلا امتیاز کارروائی کی جائے۔
اجلاس میں کمشنر کوئٹہ ڈویژن حمزہ شفقات نے اجلاس کو بریفنگ دی اور اس موقع پر اجلاس کو بتایا کہ چشمہ اچوزئی میں قبضہ مافیاء سے اراضی واہ گزار کرالی گئی۔
بریفنگ کے مطابق 6 مساجد اور 4 مدارس کے علاوہ تمام تجاوزات ہٹا دی گئیں ہیں، مقبوضہ اراضی پر دوبارہ تعمیرات کو روکا جاررہا ہے۔
