پاکستان کی تاریخ میں پہلی بار کسی ہوائی جہاز کو طویل ٹریلر پر لاد کر سڑک کے ذریعے ایک سے دوسرے شہر منتقل کیا جارہا ہے۔
تفصیلات کے مطابق، ناکارہ بوئنگ 737 جہاز کو طویل ٹریلر کے ذریعے کراچی سے حیدرآباد روانہ کیا جارہا ہے اور یہ منظر پاکستانی شہریوں کے لیے نہایت حیرت انگیز ہے۔ جہاز کی کراچی سے حیدرآباد منتقلی کے لیے نجی ٹرانسپورٹ کمپنی کی خدمات حاصل کی گئی ہیں۔
یہ بھی پڑھیں: ریاض سیزن کے ’بلیوارڈ رن وے‘ میں شمولیت کے لیے 3 ہوائی جہازوں کا زمینی سفر جاری
پاکستان ایئرپورٹ اتھارٹی کے زیرنگرانی 350 سییٹوں کے حامل ناکارہ جہازکو 10 ویلر ٹرک اور 40 فٹ ٹریلر کی مدد سے کراچی حیدرآباد موٹروے کے ذریعے منتقل کیا جارہا ہے۔
https://Twitter.com/s_faisalhussain/status/1851869886890315778
اس حوالے سے پاکستان ایئر پورٹ اتھارٹی کا کہنا ہے کہ ناکارہ طیارے کو ڈس مینٹل کرکے روانہ کیا جارہا ہے، جہاز کو حیدرآباد ائیرپورٹ پر پاکستان ائیرپورٹ اتھارٹی کے ٹریننگ سینٹر میں تربیت کے لیے استعمال کیا جائے گا۔
ایئرپورٹ اتھارٹی کے مطابق، ہوائی جہاز کے پر، انجن اور پہیے الگ کردیے گئے ہیں، کٹائی حیدرآباد ٹریننگ سینٹر میں جہاز پر فائر فائٹرز سمیت دیگر تربیتی امور کی تربیت دی جائے گی۔
یہ بھی پڑھیں: انڈیا سے بغیر ایندھن جہاز اُڑا کر پاکستان لانے والے مسیحی پائلٹ
یاد رہے کہ گزشتہ ماہ سعودی عرب میں 3 بڑے بوئنگ 777 طیاروں کو بھی طویل ٹریلرز کے ذریعے ایک سے دوسرے شہر منتقل کیا گیا تھا اور یہ تقریباً ایک ہزار کلومیٹر طویل اور پیچیدہ سفر تھا۔ ٹریلرز پر لدے یہ طیارے جدہ سے ایک ہزار کلومیٹر کا سفر 12 دنوں میں طے کرکے سعودی دارالحکومت ریاض پہنچے تھے اور یہ کارنامہ انجام دینے والے بھی پاکستانی ڈرائیورز ہی تھے۔
