کراچی کے مختلف مقامات پر واٹر ٹینکر اور ڈمپر کی ٹکر سے 4 افراد جان بحق ہو گئے ہیں۔
ریسکیو حکام کے مطابق کورنگی نمبر 6 میں واٹرٹینکرکی ٹکر سے 6 سال کی بچی جاں بحق ،کورنگی ہی میں سنگر چورنگی پر واٹرٹینکر کی ٹکرسے ایک شخص جاں بحق ہوا۔
یہ بھی پڑھیں:کارساز ٹریفک حادثہ کیس: عدالت نے ملزمہ نتاشا کو بری کردیا
کراچی کے علاقے دومنٹ چورنگی پر واٹر ٹینکر کی ٹکر سے پولیس اہلکار جبکہ پورٹ قاسم پر ڈمپر کی ٹکر سے ایک شخص جاں بحق ہوا۔
پولیس کے مطابق کورنگی میں حادثہ کے ذمہ دار 2 واٹرٹینکر قبضے میں لے لیے گئے ہیں، مختلف مقامات پر ہونے والے واقعات کے حوالے سے معلومات لی جارہی ہیں اور جانچ پڑتال کا عمل شروع کیا جا چکا ہے۔
یہ بھی پڑھیں: کراچی: واٹر ٹینکر نے موٹرسائیکل سواروں کو کچل دیا، 2 بچے جاں بحق، 2 زخمی
دوسری جانب ریسکیو حکام کے مطابق گزشتہ روز بھی ہیوی گاڑیوں کی زد میں آکر خواتین سمیت 5 افراد جاں بحق ہوئے تھے۔
