دھوکہ دہی اور لوٹ مار کی واردتیں پاکستان میں تو عام ہیں اور اگر آپ سوچتے ہیں کہ دنیا کے کسی دوسرے ملک جاکر آپ ایسی وارداتوں سے بچ جائیں گے تو یہ آپ کی خام خیالی ہے، کیونکہ پاکستان کرکٹ ٹیم کے سابق کپتان وسیم اکرم نے انکشاف کیا ہے کہ انہیں آسٹریلیا جیسے ملک بھی لوٹ لیا گیا ہے۔
حال ہی میں پاکستان اور آسٹریلیا کے مابین ون ڈے سیریز کے تیسرے اور آخری میچ میں وسیم اکرم کمنٹری کے فرائض سرانجام دے رہے تھے۔ اس دوران انہوں نے انکشاف کیا کہ ان کی اہلیہ سے آسٹریلیا میں پالتو بلی کے ’ہیئر کٹ‘ کے ایک ہزار آسٹریلوی ڈالر ہتھیا لیے گئے ہیں۔
یہ بھی پڑھیں: وسیم اکرم کون سی جوئے بازکمپنیوں کے لیے کام کر رہے ہیں؟
اس حوالے سے کمنٹری کے دوران وسیم اکرم نے کہا، ’میں نے کل بلی کے بال کٹوائے جس کے مجھے ایک ہزار ڈالر ادا کرنے پڑے، انہوں نے پہلے بلی کو بے ہوش کیا، اسے اپنے پاس رکھا اور اسے کھانے پینے کو دیا، میں نے ان سے کہا کہ اس رقم سے تو میں پاکستان میں 200 بلیاں خرید سکتا ہوں۔‘
Wasim Akram @wasimakramlive got charged 822$ for the haircut of a CAT 🐈 in Australia 🤣🤣🤣
Commentary in Australia >>>>>#ChampionsTrophy2025 #PAKvAUS pic.twitter.com/jroq5x5hyg— Zain Cric (@Zain_Cric) November 11, 2024
وسیم اکرم کی بات کو اس وقت وہاں موجود دیگر کمنٹیٹرز نے پہلے مذاق سمجھا لیکن جب وسیم اکرم نے رسید کی صورت میں اس ’لوٹ مار‘ کے ثبوت پیش کیے تو دیگر کمنٹیٹرز دنگ رہ گئے اور پھر ہنستے ہوئے کہا کہ ہم سمجھے تھے آپ مبالغہ آرائی سے کام لے رہے ہیں، آپ کو تو واقعی لوٹ لیا گیا ہے۔
پھر ساتھی کمنٹیٹر نے وسیم اکرم سے رسید لے کر اس کی تفصیلات پڑھیں جس میں درج تھا کہ بلی کے طبی معائنے کی فیس 105 آسٹریلوی ڈالر، اینستھیزیا کی فیس 305 آسٹریلوی ڈالر اور ہیئر کٹ کی فیس 40 آسٹریلوی ڈالر۔
یہ بھی پڑھیں: 22سال بعد آسٹریلیا کو آسٹریلیا میں شکست:’ یہ ہمارے لڑکے نہیں ہیں‘
اس بھاری بھرکم رسید میں اضافی چارجز بھی درج تھے جن میں پوسٹ پروسیجر کیئر کی فیس 120 آسٹریلوی ڈالر اور بلی کے کارڈیو ٹیسٹ کی فیس 251 آسٹریلوی ڈالر درج تھی۔
واضح رہے کہ ون ڈے سیریز کے اس میچ میں پاکستان نے آسٹریلیا کو 8 وکٹوں سے ہر اکر سیریز 1-2 سے اپنے نام کی تھی۔ پاکستان نے 22 سال بعد آسٹریلیا کو اس کے ہوم گراؤنڈ پر ون ڈے سیریز میں شکست دی ہے۔
