معمر رانا ایک مشہور پاکستانی فلم و ٹیلی ویژن اداکار اور ہدایت کار ہیں،انہوں نے متعدد پاکستانی فلموں میں کام کیا جن میں ہٹ پہلی فلم ’کڑیوں کو ڈالے دانا‘ بھی شامل ہے، ان کی دیگر ہٹ فلموں میں دیوانے تیرے پیار کے، فائر، چوڑیاں، جھومر، کوئی تجھ سا کہاں اور چنا سچی مچی شامل ہیں۔
یہ بھی پڑھیں: اداکار شان سے لڑائی کس بات پر ہے؟معمر رانا نے بتادیا
معمر رانا نے چند قابل ذکر ٹیلی ویژن ڈراموں میں بھی کام کیا ہے، ان کے مشہور ڈرامے محرم، روشن ستارہ اور دل، دیا، دہلیز اور مہران ہیں۔
حال ہی میں معمر رانا نے نجی ٹی وی پروگرام میں شرکت کی، جہاں انہوں نے بالی ووڈ سے آفرز سے متعلق لب کشائی کی اور یہ بھی بتایا ان کا پسندیدہ بالی ووڈ کردار کون ہے۔
معمر رانا نے کہا ’مجھے بھارت کی جانب سے 2 پیشکشیں آئیں لیکن پھر پاکستان اور بھارت کے درمیان جھڑپیں بڑھ گئیں، ظاہر ہے میں تب ہی جاؤں گا جب میری حکومت مجھے اجازت دے گی ورنہ کام نہیں کروں گا۔‘
یہ بھی پڑھیں: نعمان اعجاز نے شان شاہد کا کیریئر کیسے بچایا؟
اپنے پسندیدہ بالی ووڈ کردار کے بارے میں بات کرتے ہوئے معمر رانا نے کہا کہ ‘مجھے سنجو بہت پسند آیا، سنجو جیسی فلم کا کریڈٹ ہونا چاہیے لیکن رنبیر کپور نے جس طرح پرفارم کیا ہے، وہ شاندار ہے۔‘
انہوں نے کہا کہ انہیں آج کل کے اداکاروں میں سے انہیں فہد مصطفیٰ پسند ہیں، اور ان کی پسندیدہ اداکارہ ہانیہ عامر ہیں۔
