نامور اداکار معمر رانا نے اپنے سینیئر ساتھی اداکار شان شاہد سے دشمنی کی حقیقت بتا دی ہے۔
نجی ٹی وی پروگرام میں معروف اداکار شان شاہد سے متعلق سوال کے جواب میں اداکار معمررانا نے کہا کہ انہیں لگتا ہے کہ یہ سوال ان سے نہیں بلکہ شان شاہد سے پوچھا جانا چاہیے۔
یہ بھی پڑھیں : اداکار جاوید شیخ کا بالی وڈ کی پہلی فلم سائننگ کا دلچسپ قصہ
معمر رانا نے کہا کہ شان شاہد میرے لیے اب بھی میرے سینیئر ہیں اور میں ان کی عزت کرتا ہوں لیکن بات یہ ہے کہ شتروگن سنہا اور امیتابھ بچن کی طرح ہم دونوں ایکشن ہیرو تھے، تاہم شتروگن سنہا اور امیتابھ بچن میں فرق تھا، حالانکہ وہ دونوں ایکشن ہیرو تھے۔
اداکار نے کہا ’شتروگن سنہا ایکشن کے بادشاہ تھے، وہ ایکشن کرتے تھے جبکہ امیتابھ کام کرتے تھے، شان ایکشن کا بادشاہ ہے اور میں امیتابھ ہوں۔‘
یہ بھی پڑھیں : اداکار فواد خان کی بالی ووڈ میں واپسی، فلم کی شوٹنگ کب اور کہاں ہوگی؟
واضح رہے کہ معمر رانا ایک مشہور پاکستانی فلم و ٹیلی ویژن اداکار اور ہدایت کار ہیں۔ انہوں نے متعدد پاکستانی فلموں میں کام کیا جن میں ہٹ پہلی فلم ’کڑیوں کو ڈالے دانا‘ بھی شامل ہے، ان کی دیگر ہٹ فلموں میں دیوانے تیرے پیار کے، فائر، چوڑیاں، جھومر، کوئی تجھ سا کہاں اور چنا سچی مچی شامل ہیں۔
معمر رانا نے چند قابل ذکر ٹیلی ویژن ڈراموں میں بھی کام کیا ہے، ان کے مشہور ڈرامے محرم، روشن ستارہ اور دل، دیا، دہلیز اور مہران ہیں۔
نامور اداکار نے 25 سال قبل مہناز پرویز سے شادی کی تھی، ان کی 2 بیٹیاں ہیں۔
