انٹرنیشنل کرکٹ کونسل (آئی سی سی) نے ون ڈے اور ٹی20 کرکٹ کی نئی رینکنگز جاری کردی ہیں۔ ون ڈے رینکنگ میں پاکستان نے بیٹنگ اور بولنگ دونوں شعبوں میں نمبر ون پوزیشن حاصل کرلی ہے۔
آئی سی سی رینکنگ کے مطابق، پاکستانی فاسٹ بولر شاہین شاہ آفریدی ون ڈے بولرز کی فہرست میں پہلے نمبر پر براجمان ہوگئے ہیں۔ شاہین شاہ آفریدی پہلے بھی نمبر ون بولر رہ چکے ہیں۔ تاہم، انہوں نے درجہ بندی میں 696 ریٹنگ پوائنٹس کے ساتھ دوبارہ پہلا نمبر حاصل کیا ہے۔
یہ بھی پڑھیں: مایہ ناز پاکستانی اسپنر نعمان علی آئی سی سی پلیئر آف دی منتھ منتخب
دورہ آسٹریلیا کے دوران ون ڈے سیریز میں کامیابی پاکستان کے لیے اہم ثابت ہوئی، اس دوران پاکستانی بولرز نے شاندار کارکردگی کا مظاہرہ کیا، خاص طور پر شاہین شاہ آفریدی نے 8 وکٹیں حاصل کیں جس کے باعث آئی سی سی کی درجہ بندی میں وہ پہلے نمبر پر براجمان ہوئے۔
Pure joy in the Pakistan camp after a stunning ODI series win against Australia 😍#AUSvPAK | How it unfolded ➡ https://t.co/csl8B07fXW pic.twitter.com/LxTGQzn6HE
— ICC (@ICC) November 10, 2024
شاہین شاہ آفریدی کے ون ڈے رینکنگ میں نمبر ون پوزیشن پر آنے کے بعد جنوبی افریقہ کے کیشو مہاراج پہلی سے تیسری پوزیشن پر چلے گئے ہیں، تاہم افغانستان کے اسپنر راشد خان تاحال ون ڈے رینکنگ میں دوسرے نمبر پر موجود ہیں۔
یہ بھی پڑھیں: آئی سی سی نے ٹیسٹ، ون ڈے اور ٹی 20 کی نئی رینکنگ جاری کردی، بابر اعظم کی پہلی پوزیشن
پاکستان کے حارث رؤف کی درجہ بندی میں بھی بہتری آئی ہے۔ آسٹریلیا کے خلاف ون ڈے سیریز میں 10 وکٹس حاصل کرنے کے بعد حارث رؤف اب 13ہویں نمبر پر آگئے ہیں۔ فاسٹ بولر نسیم شاہ کے ریٹنگ پوائنٹس میں بہتری آئی ہے اور وہ رینکنگ میں 55ویں نمبر پر ہیں۔
آئی سی سی کی ون ڈے بیٹنگ کی ریٹنگ میں بابر اعظم بدستور پہلے نمبر ہیں۔ فخر زمان کا 11ہواں نمبر ہے، 15ہویں پر امام الحق ہیں جبکہ کپتان محمد رضوان کی پوزیشن آسٹریلیا کے خلاف سیریز میں 74 رنز کے باعث 2 درجے بہتر ہوئی اور اب وہ 23ویں نمبر پر آگئے ہیں۔
یہ بھی پڑھیں: 22سال بعد آسٹریلیا کو آسٹریلیا میں شکست:’ یہ ہمارے لڑکے نہیں ہیں‘
ون ڈے میں بیٹنگ کی رینکنگ میں دوسری سے چوتھی پوزیشن تک بھارتی کھلاڑیوں کا راج قائم ہے جبکہ ٹاپ ٹین میں سری لنکا کے 2 اور ویسٹ انڈیز، افغانستان، نیوزی لینڈ اور آئرلینڈ کا ایک ایک کھلاڑی شامل ہے۔
آئی سی سی کی ٹی20 میں بیٹنگ کی نئی جاری کردہ رینکنگ میں بابر اعظم کا چوتھا اور کپتان محمد رضوان کا پانچواں نمبر ہے۔ انگلینڈ کے فل سالٹ اور انڈیا کے سوریا کمار یادو ٹی20 رینکنگ میں بالترتیب پہلے اور دوسرے نمبر پر ہیں۔ ٹی20 بولنگ میں ٹاپ ٹین میں کوئی پاکستانی کھلاڑی شامل نہیں۔ ٹی20 رینکنگ میں پہلے اور تیسرے نمبر پر سری لنکا کے واننڈو ہاسارنگا اور مہیش تیکشانا ہے جبکہ ویسٹ انڈیز کے عقیل حسین کا دوسرا نمبر ہے۔
