انٹرنیشنل کرکٹ کونسل نے بدھ کو مرد اور خواتین کی چیمپیئنز ٹرافی کے لیے نئی ویژیول آئیڈنٹیٹی جاری کردی۔
یہ بھی پڑھیں: نئی آئی سی سی رینکنگز جاری، پاکستانی کرکٹرز کا راج، بابر اور شاہین سب سے آگے
چیمپیئنز ٹرافی میں دنیا کی سرفہرست ٹیمیں 2 ہفتوں کے ایک سنسنی خیز مقابلے کے لیے اکٹھی ہوں گی جہاں ہر میچ اہم ہوگا۔ دنیا کے بہترین کھلاڑی چیمپئنز ٹرافی کے لیے میدان میں ہوں گے۔
مشہور وائٹ جیکٹس (فاتح ٹیم کے لیے سفید کوٹ) کے لیے یہ مقابلہ ہر 2 سال بعد مردوں کے ون ڈے ایونٹ کے متبادل کے طور پر ہوگی جس میں ٹاپ 8 ٹیمیں شامل ہوں گی۔ مینز ٹیموں کا وائٹ جیکٹس کے لیے یہ مقابلہ سنہ 2017 کے بعد اب ہورہا ہے۔ سنہ 2017 کی فاتح ٹیم پاکستان تھی۔ یہ شاندار ایونٹ اگلے سال پاکستان میں منعقد ہوگا۔
آئ سی سی کی جانب سے ریلیز کی گئی ویڈیو میں چیمپیئنز ٹرافی 2025 پاکستان کا لوگو بھی دکھایا گیا ہے۔ آئی سی سی نے چیمپئنز ٹرافی برانڈ کا نیا ٹائپو گرافک لوگو بھی جاری کیا ہے۔
خواتین کی ٹی 20 کی ٹاپ 6 ٹیمیں ایک زبردست مقابلے کے لیے میدان میں ہوں گی۔
مزید پڑھیے: بھارتی ٹیم چیمپیئنز ٹرافی کھیلنے کیسے پاکستان آسکتی ہے؟ نجم سیٹھی نے طریقہ بتادیا
نئی تخلیق شدہ بصری شناخت ایک ڈیجیٹل اور پہلا متحرک اظہار ہوگا۔ یہ جو جمود کو چیلنج کرے گی اور ایک غیر روایتی ٹائپوگرافک لوگو کے ساتھ بولڈ اور پر اعتماد دکھائی دے گی۔
اسے مخصوص انداز میں ڈیزائن کیا گیا ہے اور یہ کھیل کو بیان کرنے والے انوکھے الفاظ اور وکٹ گرنے پر چیخنے سے لے کر ہر سپر اسٹار کے نام (جو ان کی کٹ کے پچھلے حصے پر ظاہر ہوتا ہے) تک کرکٹ کی زبان سے مزین ہوگا۔
آئی سی سی کے چیف کمرشل آفیسر، انوراگ دہیا نے کہا ہے کہ مردوں کی آئی سی سی چیمپیئنز ٹرافی کی ایک بالکل نئی خواتین کے ایونٹ کے ساتھ واپسی نے ہمیں اگلے چند سالوں میں ایونٹس کی نمائندگی کرنے کے لیے ایک تازہ دم متحرک اور پرلطف بصری شناخت کا بہترین موقع فراہم کیا ہے۔
مزید پڑھیں: شاہد آفریدی چیمپیئنز ٹرافی میں تمام ٹیموں کو دیکھنے کے لیے پُرامید
انہوں نے کہا کہ 2 ہفتوں کے سنسنی خیز مقابلے کے لیے نئے عناصر کے ساتھ مخصوص سفید جیکٹس چیمپیئنز ٹرافی کی تاریخ اور اس عالمی سطح پر پسندیدگی کی غماز ہوں گی۔
