چیف آف آرمی سٹاف جنرل عاصم منیر نے ہیوی انڈسٹری ٹیکسلا کا دورہ کیا ہے۔
انٹر سروسز پبلک ریلیشنز (آئی ایس پی آر) کے مطابق آرمی چیف جنرل عاصم منیر کو ایچ آئی ٹی کی تکنیکی صلاحیتوں پر بریفنگ دی گئی ہے۔
اس کے علاوہ آرمی چیف کو ایچ آئی ٹی میں جاری منصوبوں پر پیشرفت کے حوالے سے بھی بریفنگ دی گئی۔
آرمی چیف نے ایچ آئی ٹی کی مختلف فیکٹریز کا بھی دورہ کیا اور مقامی طور پر تیار کی گئی 155 ایم ایم آرٹلری گنز بیرلز کا معائنہ کیا۔
آرمی چیف جنرل عاصم منیر نے کہا کہ ہیوی انڈسٹری ٹیکسکلا دفاعی پیداوار میں خود انحصاری کے حصول کے لیے کنجی ہے اور یہ قومی برآمدات اور معیشت میں اہم کردار ادا کرتی ہے۔
