پی ٹی آئی کی جانب سے 24 نومبر کو احتجاجی کال اور اس کے سد باب کے طور پر حکومت کی جانب سے اسلام آباد اور پنجاب کی اہم شاہراہوں کی بندش اور پبلک ٹرانسپورٹ سروسز پر پابندی کے ریلوے اسٹیشنز پر مسافروں کا رش لگ گیا۔
یہ بھی پڑھیں:عدالتی حکم پر وزیر داخلہ کا بیرسٹر گوہر سے رابطہ، اسلام آباد میں جلسے جلوس کی اجازت نہیں دے سکتے، محسن نقوی
پی ٹی آئی کی احتجاجی مارچ کی کال کے ردعمل میں جڑواں شہروں اور لاہور کے داخلی اور خارجی راستوں سمیت اور موٹر ویز اور تمام بس اڈوں کی بندش کے بعد پریشان حال مسافروں کی بڑی تعداد راولپنڈی ریلوے اسٹیشن پہنچ گئی ہے۔
ریلوے اسٹیشن پر مسافروں کے اچانک اتنی کثیر تعداد کی آمد کے بعد ریلوے نشستوں کی تعداد کم پڑگئی نتیجتاً متعدد مسافروں کو ٹکٹ بھی نہ مل سکا۔ جبکہ شٹل ٹرین کے باوجود ہزاروں مسافر منزل تک نہ پہنچ سکے اور شہریوں نے راولپنڈی ریلوے اسٹیشن پر ڈیرے لگا لیے۔
اس صورتحال میں ریلوے حکام کا مؤقف ہے کہ مسافروں کو فوری منزل تک پہنچایا جائے گا، دوسری شٹل ٹرین آج 4 بجے چلائی جائے گئی۔
