ریاست فسادیوں کے سامنے سرنڈر نہیں کرے گی، عظمیٰ بخاری

وزیر اطلاعات پنجاب عظمیٰ بخاری نے کہا ہے کہ یہ کے پی کے کی سرحد عبور کرکے تماشا لگائیں گے۔ عام عوام کے بچے انقلاب میں شرکت کریں اور سڑکوں پر خوار ہوں، بغاوت کا سرغنہ اور ان کے بچے انقلاب میں شرکت نہیں کرسکتے۔ بشریٰ بی بی ا ور علی امین گنڈا پور ابھی تک سو رہے ہیں، بشریٰ بی بی نے اپنا موبائل فون بند کر رکھا ہے۔ ریاست فسادیوں کے سامنے سرنڈر نہیں کرے گی۔

احتجاج اور مظاہرے صرف واٹس ایپ پر نظر آرہے ہیں

عظمیٰ بخاری نے کہا کہ الحمدللہ پنجاب میں سکون ہے، لوگ چھٹی منا رہے ہیں۔ احتجاج اور مظاہرے صرف واٹس ایپ پر نظر آرہے ہیں۔ پی ٹی آئی والوں کو تماشہ لگانے کی اجازت نہیں دیں گے۔ ہم سب جنگجو کا انتظار کر رہے ہیں مگر کوئی نظر نہیں آرہا، آج فتنہ پارٹی کا فساد الجہاد اور مرو یا مارنے کا دن ہے۔

وہ جنگجو طیارے جنہوں نے انقلاب لانا ہے وہ سارے سو رہے ہیں۔ میں، میری وزیر اعلیٰ اور قانون نافذ کرنے والے ادارے سب ان جنگجوؤں کا انتظار کر رہے ہیں سمجھ ہی نہیں آرہی ان کا پلان کیا ہے؟، عظمیٰ بخاری کا پی ٹی آئی رہنماؤں پر طنز pic.twitter.com/3q3eyVXALS

— WE News (@WENewsPk) November 24, 2024

بشریٰ بی بی قوم کو جاگنے کا کہہ کر خود سو رہی ہیں

ان کا کہنا تھا کہ آج کسی نے پنجاب میں ان کی کہیں کوئی تیاری دیکھی ہے۔ پنجاب اسمبلی میں پی ٹی آئی کے 104 ایم پی اے ہیں۔ پی ٹی آئی کے احتجاج میں ان کے بچے خود شامل نہیں ہیں، یہ دوسروں کے بچوں کو احتجاج میں شامل کررہے ہیں۔ انقلاب لانے والے ابھی تک سو رہے ہیں۔ بشریٰ بی بی قوم کو جاگنے کا کہہ کر خود سو رہی ہیں۔

پنجاب میں ان سے ایک ہزار لوگ بھی نہیں نکلے

وزیر اطلاعات پنجاب کا کہنا تھا کہ بشریٰ بی بی انقلاب کے لیے کیے جانیوالے احتجاج میں شرکت نہیں کرسکتیں۔ لاہور میں سکون ہے، لوگ ناشتہ کر رہے ہیں، چھٹی منا رہے ہیں۔ پنجاب میں ان سے ایک ہزار لوگ بھی نہیں نکلے۔ چند ٹولیاں نکلیں گی پھر گلیوں میں بھاگ جائیں گے۔ بتی چوک پر احتجاج کی کال دے کر آپ بھاگ نہ جائیں، ہم انتظار کر رہے ہیں۔

وہ جنگجو طیارے جنہوں نے انقلاب لانا ہے وہ سارے سو رہے ہیں۔ میں، میری وزیر اعلیٰ اور قانون نافذ کرنے والے ادارے سب ان جنگجوؤں کا انتظار کر رہے ہیں سمجھ ہی نہیں آرہی ان کا پلان کیا ہے؟، عظمیٰ بخاری کا پی ٹی آئی رہنماؤں پر طنز pic.twitter.com/3q3eyVXALS

— WE News (@WENewsPk) November 24, 2024

خیبر پختونخوا کے دہشتگرد پنجاب میں غنڈہ گردی کریں گے

ان کا کہنا تھا کہ لاہور اور پنجاب کے لوگ فتنہ فساد کے لیے نہیں نکلیں گے۔ بانی پی ٹی آئی کی رہائی نہیں ہوگی۔ خیبر پختونخوا کے دہشتگرد پنجاب میں غنڈہ گردی کریں گے۔ بغاوت کا سرغنہ بھی انقلاب میں شرکت نہیں کر سکتا۔ عام شہری ہی انقلاب میں شرکت کرکے ثواب دارین حاصل کریں گے۔

بشریٰ بی بی نے پاکستان کو بدنام کرنے کی کوشش کی

عظمیٰ بخاری نے بتایا کہ ویڈیو پیغام کے بعد بشریٰ بی بی کا نمبر ہی بند ہے۔ بشریٰ بی بی نے اپنے پیغام میں پاکستان کو بدنام کرنے کی کوشش کی، جھوٹ کی بنیاد پر پاکستان کے عوام کو شرمندہ کیا، بشریٰ بی بی کے بیانات نے دوست ممالک سے تعلقات کو داؤ پر لگادیا۔ بشریٰ بی بی کو تمام سوالات کے جوابات دینا پڑیں گے۔ ان کو تکلیف یہ ہے کہ ملک میں سرمایہ کاری آرہی ہے۔

علی امین گنڈا پور نے واپس جانا بھی ٹاپو ٹاپ ہوتا ہے

ان کا کہنا تا کہ یہ ڈی چوک کی طرف نہیں جا سکتے اسلام آباد ہائیکورٹ کا فیصلہ موجود ہے، علی امین گنڈا پور نے واپس بھی ٹاپو ٹاپ ہی جانا ہوتا ہے۔ جنہوں نے انقلاب لانا ہے وہ سب جنگجو سورہے ہیں، پنجاب کے لوگ اس فساد کے لیے بالکل تیار نہیں۔ انہوں نے جب بھی احتجاج کی کال دی ہے پنجاب اور لاہور کے لوگوں نے مسترد کیا۔

شرم دلانے کے باوجود علی امین گنڈاپور نہ کرم گیا نہ پارا چنار

ان کا کہنا تھا کہ میں انتظار کررہی تھی کہ احتجاج کی کال پر بانی پی ٹی آئی کے بچے کب آئیں گے؟ پی ٹی آئی کے آدھے لوگ ورک فرام ہوم کریں گے اور آدھے ورک فرام سٹی کریں گے۔ شرم دلانے کے باوجود بھی علی امین گنڈاپور نہ کرم گیا نہ پارا چنار۔ مطلوب دہشتگرد گرفتار ہورہے ہیں، جنہوں نے اس فساد میں شریک ہونا تھا۔ کل پارک ٹاور ایف 10 سے 3 دہشتگرد گرفتار ہوئے۔

شہباز گل جعلی ویڈیوز ڈال کر فیس بک اور واٹس ایپ پر انقلاب لائے گا

انہوں نے کہا کہ عمران الیاس اور شہباز گل وغیرہ جعلی ویڈیوز ڈال کر فیس بک اور واٹس ایپ پر انقلاب لائیں گے۔ اس خبر کا انتظار ہے کہ قاسم اور سلیمان نے پاکستان کی ٹکٹ کرالی اور انقلاب میں شریک ہوں گے۔ ان کے اپنے بچے احتجاج سے دور، عوام کے بچوں کو احتجاج میں جھونکا جارہا ہے۔ علی امین گنڈاپور نے آج اڈیالہ جیل کے دروازے کھلوانے تھے، پنجاب کے لوگ اس فساد میں شرکت کے لیے بالکل تیار نہیں، چند مجبور ٹولیوں کے سوا کوئی ان کے احتجاج کا حصہ نہیں بنے گا۔