اسلام آباد پولیس اور رینجرز کی جانب سے پی ٹی آئی کارکنوں کے خلاف گرینڈ آپریشن شروع کردیا گیا ہے، اس دوران وزیراعلیٰ خیبرپختونخوا علی امین گنڈاپور اور بشریٰ بی بی اچانک غائب ہوگئے۔
یہ بھی پڑھیں بشریٰ بی بی عمران خان پر بھی حاوی، تجویز ماننے سے صاف انکار کردیا
پی ٹی آئی کے کارکنوں نے علی امین گنڈاپور کو ڈی چوک کی طرف بڑھنے کے لیے قائل کرنے کی کوشش کی تاہم انہوں نے اس سے انکار کیا۔
کوئی کہیں بھی نہیں جا رہا، کھانا کھاؤ اور واپس آجاؤ، علی امین گنڈا پور کو ایک بار پھر کارکنوں نے گھیر لیا pic.twitter.com/IoFsRP7Zfz
— WE News (@WENewsPk) November 26, 2024
علی امین گنڈاپور کے اس رویے سے کارکنان مایوس ہوگئے، دوسری جانب پولیس نے آپریشن کرتے ہوئے کارکنوں کو ڈی چوک کے بعد بلیو ایریا سے بھی پیچھے دھکیلنا شروع کردیا ہے۔
کچھ کارکنان اب بلیو ایریا سے بھی پیچھے ہٹ کر زیروپوائنٹ کی طرف آگئے ہیں۔
یہ بھی پڑھیں علی امین گنڈاپور کی ضروری کام سے کہیں جانے کی کوشش، مظاہرین نے پھر روک دیا
اس سے قبل وزیراعلیٰ خیبرپختونخوا علی امین گنڈاپور نے ضروری کام سے کہیں جانے کی کوشش کی تھی تاہم کارکنوں نے انہیں جانے سے روک دیا تھا۔
