پاکستان اور چین کی پیپلز لبریشن آرمی کی مشترکہ مشق واریئر 8کے انعقاد کی تیاریوں کا عمل چین میں ایک ماہ قبل شروع ہوا۔
یہ بھی پڑھیں:پاکستان اور چین کی افواج کے درمیان مشترکہ مشق کا پبی میں آغاز
برادر ممالک کے عسکری حکام نے مشق کی بنیادی پلاننگ کا ضابطہ اخلاق طے کیا۔ تین ہفتے طویل مشق انسداد دہشت گردی کے شعبے میں کی جا رہی ہے۔
یہ مشترکہ مشق سالانہ بنیادوں پر ہونے والی باہمی مشقوں کی آٹھویں مشق ہے۔اس مشق کا مقصد پیشہ ورانہ مہارتوں کو مشترکہ تربیت کے ذریعے بہتر بنانا ہے۔ اس کے ساتھ ساتھ دونوں برادر ممالک کے درمیان تاریخی فوجی تعلقات کو مضبوط بنانا بھی اس مشق کا اہم مقصد ہے۔
اس مشق میں شرکت کے لئے چین کی پیپلز لبریشن آرمی کے دستے 18نومبر 2024کو پاکستان پہنچے۔ مشق کی افتتاحی تقریب 21 نومبر 2024 کو نیشنل کاؤنٹر ٹیرارزم سنٹر پبی میں منعقد کی گئی۔
افتتاحی تقریب میں اسلحہ کی نمائش، انفرادی اور ٹیم لیول ٹریننگ توجہ کا مرکز بنی۔ کلیئرنس آپریشن، گن فائر ، ڈرون ٹریننگ ، سنائپر ٹریننگ اور کمپنی کی سطح پر تربیت اس مشق کا حصہ ہے۔
