سوشل میڈیا پر ہتک آمیز اور اشتعال انگیز بیانات پھیلانے والے 12ملزمان کیخلاف ایف آئی آر درج کر لی گئی۔
یہ بھی پڑھیں:دہشتگرد تنظیموں کے سوشل میڈیا استعمال پر قابو پانے کا فیصلہ
ذرائع کے مطابق سوشل میڈیا پر حکومت اور ریاستی اداروں کے حوالے سے پروپیگنڈا کرنے والوں کیخلاف سخت ایکشن کا آغاز ہوگیا ہے۔
حکومت نے سوشل میڈیا پر جعلی پروپیگنڈہ پھیلانے والوں کے گرد گھیرا مزید تنگ کرتے ہوئے اب تک 12 ملزمان کی نشاندہی کر کے ان کیخلاف ایف آئی آر درج کر لی ہے۔
ذرائع کے مطابق فیک نیوز اور پروپیگنڈا پھیلانے والے ملزمان میں میاں ذیشان ساجد ، فہیم خان، محمد اویس، منوچئر، عزیز احمد ، سعِد عدنان خورشید، محمد اسد،ملک عصمت اللہ خان، عنایت اللہ، سلطان محمود خان،کلیم اللہ اور اورنگزیب شامل ہیں۔
یہ بھی پڑھیں:پی ٹی آئی سوشل میڈیا کی بے گور و کفن لاش
ملزمان کا تعلق کراچی، سانگھڑ ، کوئٹہ، پشین، قلعہ عبداللہ اور سوات سے ہے،۔ یہ ملزمان سوشل میڈیا پرہتک آمیز، بغاوت پر اُکسانے اور ریاستی اُمور میں خلل ڈالنے والی سرگرمیوں میں ملوث ہیں۔
اس کے علاوہ بھی دیگر کئی ملزمان کے خلاف سخت قانونی کارروائی عمل میں لائی جا رہی ہے۔
