پاکستان اور جنوبی افریقہ کے درمیان 3 میچوں کی ٹی20 سیریز کے پہلے میچ میں جنوبی افریقہ نے سنسنی خیز مقابلے کے بعد پاکستان کو 11 ٓرنز سے شکست دے دی۔ ڈربن میں کھیلے گئے سیریز کے پہلے میچ میں پاکستان کی ٹیم 184 رنز کے تعاقب میں 8 وکٹوں کے نقصان پر 172 رنز بناسکی۔
پاکستانی ٹیم کی شکست پر مایوس صارفین نے ٹیم کو آڑے ہاتھوں لیا، ایک صارف نے تنقید کرتے ہوئے کہا کہ پاکستانی ٹیم مجرم ہے ان کے لیے لفظ ’شرم‘ کافی نہیں ہے۔
Selfish knock for the hall of shame
Consumed more than 10 overs.Played numerous dot balls. Took required run rate above 18
Even the word 'Shame' isn't enough. CRIMINAL !#PAKvsSA pic.twitter.com/0RFbYRSp6h
— Areeba (@arieba_chaudryy) December 10, 2024
محمد سمیع نے بابر اعظم کے آؤٹ ہونے پر لکھا کہ دکھ اس بات کا نہیں ہے کہ بابر اعظم صفر پر آؤٹ ہو گئے بلکہ اس بات کا ہے کہ آؤٹ کرنے والا جنوبی افریقہ کا بولر آئی پی ایل کا کھلاڑی تھا اور یہ زخم پر نمک کی طرح محسوس ہوتاہے۔
The sadness isn’t that Babar Azam got out on a duck, but that the bowler was an IPL player – feels like salt on the wound 🥲#SAvPAK #BabarAzam
— Muhammad Sami (@mrsami96) December 10, 2024
راجہ عاصم لکھتے ہیں کہ جس طرح پاکستان کرکٹ ٹیم جنوبی افریقہ کے خلاف کھیل رہی ہے دیکھ کر شرم محسوس ہورہی ہے۔ پاکستان کی نیشنل ٹیم جنوبی افریقہ کی B ٹیم کے سامنے کلب لیول کی ٹیم بنی ہوئی انتہائی تھرڈ کلاس کلب لیول کی بیٹنگ ہے۔ انہوں نے تنقید کرتے ہوئے کہا کہ جب ٹیسٹ ٹیم ٹی 20 کھیلے گی تو یہی ہوگا پاکستانی ٹیم کی اپروچ ٹیسٹ میچ والی ہے۔
جس طرح پاکستان کرکٹ ٹیم ساؤتھ افریقہ کے خلاف کھیل رہی ہے دیکھ کر شرم محسوس ہورہی ہے
پاکستان کی نیشنل ٹیم جنوبی افریقہ کی B ٹیم کے سامنے کلب لیول کی ٹیم بنی ہوئی
انتہائی تھرڈ کلاس کلب لیول کی بیٹنگ ہے
جب ٹیسٹ ٹیم ٹی 20 کھیلے گی تو یہی ہوگا ۔
ٹیسٹ میچ والی اپروچ ہے #PAKVSSA— Raja Asim (@rajaasim313) December 10, 2024
ذیشان نامی صارف لکھتے ہیں کہ محمد رضوان اور بابراعظم کو سافٹ ویئر اپ ڈیٹ کی اشد ضرورت ہے۔
Rizwan and Babar desperately need a software update!#PAKvsSA
— Zeeshan (@zeeshanjaved_) December 11, 2024
عائشہ یعقوب نے پاکستان کی شکست پر سوال کیا کہ پاکستان کو ٹی ٹوئنٹی انٹرنیشنل میں 12 میچوں کی جیت کے ساتھ جنوبی افریقہ پر برتری حاصل ہے۔ کیا پاکستان اپنا تسلط برقرار رکھ سکے گا یا جنوبی افریقہ فتح حاصل کرےگا؟
پاکستان کو ٹی ٹوئنٹی انٹرنیشنل میں 12 جیت کے ساتھ جنوبی افریقہ پر برتری حاصل ہے! 🏏
کیا پاکستان اپنا تسلط برقرار رکھ سکے گا یا جنوبی افریقہ فتح حاصل کرے گا؟ 🤔 pic.twitter.com/XgvpCskifG
— Ayesha yaqoob🌷 (@ayesha_yaqoob07) December 10, 2024
حماد چوہدری نے دورانِ میچ تبصرہ کرتے ہوئے لکھا تھا کہ نیند خراب نہ کریں سب سو جائیں۔ ویسے بھی جنوبی افریقہ جیت رہاہے۔
نیند کو خراب نہ کریں، سب سو جائیں۔ ویسے بھی جنوبی افریقہ جیت رہا ہے۔#PakVsSA pic.twitter.com/dCXWRPlrEO
— Hamad Chaudhry (@iaChaudhary05) December 10, 2024
واضح رہے کہ پاکستان کی ٹیم میں محمد رضوان (کپتان اور وکٹ کیپر)، بابر اعظم، صائم ایوب، عثمان خان، طیب طاہر، محمد عرفان خان، محمد عباس آفریدی، شاہین شاہ آفریدی، حارث رؤف، سفیان مقیم اور ابرار احمد شامل ہیں۔
جنوبی افریقہ کی ٹیم میں ریسی وان ڈر ڈوسن، ریزا ہینڈرکس، میتھیو بریٹزکے، ڈیوڈ ملر، ہینرچ کلاسن (کپتان اور وکٹ کیپر)، ڈونووان فریرا، جارج لنڈے، اینڈیل سمیلن، نقبا پیٹر، کوینا مپھاکا اور اوٹنیل بارٹمین شامل ہیں۔
