وفاقی حکومت نے ملک میں کرنسی نوٹوں کی نئی سیریز کی منظوری دے دی ہے۔ وفاقی کابینہ نے نئے کرنسی نوٹوں کے ڈیزائن اور جدید سیکیورٹی فیچرز کی منظوری دینے کے ساتھ ساتھ 10 روپے کا کاغذی نوٹ ختم کرکے اس کی جگہ سکہ رائج کرنے کی بھی منظوری دے دی ہے۔
وفاقی کابینہ کے فیصلے اور سینیٹ کی قائمہ کمیٹی برائے خزانہ میں اسٹیٹ بینک حکام کی بریفنگ کی روشنی میں کرنسی کے نظام میں بنیادی تبدیلیاں سامنے آئی ہیں۔
جعلی کرنسی نوٹوں کی روک تھام کے لیے نئی کرنسی سیریز کے تمام نوٹوں کی تیاری میں جدید ترین مواد استعمال کیا جائے گا، جبکہ ان میں بین الاقوامی معیار کے سیکیورٹی فیچرز بھی شامل کیے جائیں گے۔
اسٹیٹ بینک آف پاکستان کے ڈپٹی گورنر ڈاکٹر عنایت حسین نے 25 اگست 2026 کو سینیٹ کی کمیٹی کو بتایا تھا کہ 10 روپے کا کرنسی نوٹ ختم کرنے کے لیے وفاقی حکومت کو باضابطہ درخواست ارسال کر دی گئی ہے۔
10 روپے کے کاغذی نوٹ کی اوسط عمر صرف 6 سے 9 ماہ ہوتی ہے، جبکہ سکے کی عمر 20 سے 30 سال تک ہوتی ہے۔ ملک میں ہر سال چھاپے جانے والے مجموعی کرنسی نوٹوں میں 10 روپے کے نوٹوں کا حصہ 35 فیصد ہے، جن کی چھپائی اور انتظامی امور پر سالانہ 8 سے 10 ارب روپے خرچ ہوتے ہیں۔ 10 روپے کے کاغذی نوٹ کی جگہ سکہ رائج کرنے سے آئندہ 10 سال کے دوران قومی خزانے کو 40 سے 50 ارب روپے کی بچت ہونے کا تخمینہ لگایا گیا ہے۔
اسٹیٹ بینک آف پاکستان کے مطابق 10 روپے کا کاغذی نوٹ ختم کرکے اس کی جگہ سکہ رائج کرنے کا مقصد جعلی نوٹوں کی روک تھام نہیں بلکہ اخراجات میں کمی لانا ہے، کیونکہ ملک میں سب سے زیادہ جعلی نوٹ ایک ہزار اور 5 ہزار روپے کی مالیت کے سامنے آتے ہیں۔
سوشل میڈیا پر یکم ستمبر سے 10 روپے کے کرنسی نوٹ کی فوری بندش سے متعلق گردش کرنے والی خبریں بے بنیاد ہیں۔
اسٹیٹ بینک آف پاکستان نے واضح کیا ہے کہ 10 روپے کا نوٹ فی الحال قانونی کرنسی کی حیثیت رکھتا ہے۔ نئی کرنسی سیریز کی منظوری کے بعد جب بھی کسی نوٹ کو بند کرنے کا فیصلہ کیا جائے گا، عوام کو پرانے نوٹ تبدیل کرانے کے لیے مناسب وقت دی
