ونڈو یا اسپلٹ اے سی، اے سی خریدتے وقت کن باتوں کو مد نظر رکھنا ضروری ہے؟

آپ اپنے کمرے کے سائز کے اعتبار سے ونڈو یا اسپلٹ اے سی کا انتخاب کر سکتےہیں۔

عام طور پر ونڈو اے سی بھاری ہوتے ہیں کیونکہ ان میں ایک ہی باکس میں تمام اجزا شامل ہوتے ہیں۔ اس لیے اس قسم کے اے سی زیادہ سستے ہوتے ہیں۔

اگر آپ کے کمرے میں کھڑکیاں نہیں ہیں تو اسپلٹ اے سی صحیح انتخاب ہے۔ خوبصورتی کے اعتبار سے اکثر لوگ اسپلٹ اے سی کو ترجیح دیتے ہیں۔

اسپلٹ اے سی دوحصوں پر مشتمل ہوتا ہے پہلا اِن ڈور یونٹ اور دوسرا ایکسٹرنل کمپریسر۔

اے سی کے لیے استعمال کیا جانے والے لفظ ٹن سے مراد وزن نہیں بلکہ یہ اے سی کی ٹھنڈک کی صلاحیت کے حوالے سے استعمال کیا جاتا ہے۔

اے سی کی ٹھنڈک کی پیمائش ٹنوں میں کی جاتی ہے۔

اے سی کے ٹن کے حوالے سے آپ کو اپنے کمرے کا سائز مد نظررکھنا چاہیے۔

1ٹن اے سی :120مربع فٹ تک کے کمروں کے لیے موزوں ہے۔
1.5ٹن اے سی:180مربع فٹ تک کے کمروں کے لیے موزوں ہے۔
2ٹن اے سی:250مربع فٹ تک کمروں کے لیے موزوں ہے۔

 انورٹر بمقابلہ نان انورٹر اے سی

انورٹر ٹیکنالوجی کا استعمال ونڈو اے سی میں کم ہی کیا جا تا ہے زیادہ تر یہ ٹیکنالوجی  اسپلٹ اے سی  کے ساتھ منسلک ہوتی ہے۔

انورٹر ٹیکنالوجی تیز چلنے والی کولنگ کے لیے ایک کمپریسر ٹیکنالوجی ہے۔

انورٹر اے سی کمپریسر کی رفتار کو منظم کرنے کے لیے متغیر فریکوئنسی ڈرائیو کا استعمال کرتے ہیں۔

مثال کے طور پر اگر آپ 2ٹن اسپلٹ اے سی خریدتے ہیں تو کمپریسر درجہ حرارت کی بنیاد پر 0.5 ٹن اور 1.5 ٹن کولنگ کی صلاحیت کے درمیان کام کر سکتا

ہے۔ یعنی اے سی باہر کے درجہ حرارت کی بنیاد پر بجلی کا استعمال بہتر اور منظم طریقے سے کر سکتا ہے۔ انورٹر اے سی بڑے کمرے کو بہت تیزی سے ٹھنڈا کرتے ہیں۔

ونڈو اور اسپلٹ اے سی کا موازنہ کرتے ہوئے یاد رکھیں کہ بہترین ٹیکنالوجی کی قیمت بھی زیادہ ہوتی ہے۔ یہی وجہ ہے کہ انورٹر اے سی نہ صرف مہنگی قیمت رکھتے ہیں بلکہ مرمت کے اخراجات کے حوالے سے کسی نان انورٹر اے سی کے مقابلہ میں زیادہ مہنگے ثابت ہوتے ہیں۔