فاسٹ بولر محمد عامر نے انٹرنیشل کرکٹ سے ریٹائرمنٹ کا اعلان کردیا۔
Announcement of my retirement from international cricket 🏏. pic.twitter.com/CsPfOTGY6O
— Mohammad Amir (@iamamirofficial) December 14, 2024
آل راؤنڈر عماد وسیم کے بعد اب قومی ٹیم کے فاسٹ بولر محمد عامر نے بھی انٹرنیشل کرکٹ سے ریٹائرمنٹ کا اعلان کر دیا۔
سوشل میڈیا پلیٹ فارم ’ایکس‘ کی گئی ٹوئٹ میں محمد عامر نے لکھا ہے کہ پاکستان کےلیےتینوں فارمیٹس میں کھیلنا اعزاز کی بات ہے۔میں جانتا ہوں کہ یہ ایک مشکل فیصلہ ہے لیکن مجھےلگتا ہےکہ یہ اگلی نسل کے لیے ذمے داری سنبھالنے اور پاکستان کرکٹ کو نئی بلندیوں تک پہنچانے کا صحیح وقت ہے۔
یہ بھی پڑھیں:عماد وسیم کے بعد اسٹار بولر محمد عامر نے بھی ریٹائرمنٹ واپس لے لی
محمد عامر کی جانب سے یہ فیصلہ ایک ایسے وقت میں سامنے آیا ہے جب انہیں حال ہی میں ہونے والے ٹی ٹوئٹنی ورلڈ کپ میں غیرمتاثر کن کارکردگی کی وجہ سے تنقید کا سامنا تھا۔
رواں سال میں ریٹائرمنٹ کا دوسرا اعلان
واضح رہے کہ رواں سال مارچ میں بھی محمد عامر نے ریٹائرمنٹ کے اعلان کے بعد اپنے فیصلے سے رجوع کرتے ہوئے ریٹائرمنٹ واپس لے لی تھی۔
اس موقع پر محمد عامر نے اپنی ٹوئٹ میں لکھا تھا کہ ’میں اب بھی پاکستان کے لیے کھیلنے کا خواب دیکھتا ہوں! زندگی ہمیں ایسے موڑ پر لاتی ہے جہاں بعض اوقات ہمیں اپنے فیصلوں پر نظر ثانی کرنی پڑتی ہے۔
I still dream to play for Pakistan!
life brings us to the points where at times we have to reconsider our decisions, There has been few positive discussions between myself and the PCB where they respectfully made me feel that I was needed and can still play for Pakistan after…
— Mohammad Amir (@iamamirofficial) March 24, 2024
محمد عامر نے مزید لکھا کہ ’ میرے اور پاکستان کرکٹ بورڈ (پی سی بی) کے درمیان کچھ مثبت بات چیت ہوئی ہے جس میں انہوں نے احترام کے ساتھ مجھے احساس دلایا کہ میری ٹیم کو ضرورت ہے۔
انہوں نے مزید لکھا کہ اہل خانہ سے مشاورت کے بعد اب بھی میں اعلان کرتا ہوں کہ میں اب بھی پاکستان کے لیے کھیل سکتا ہوں۔
انہوں نے لکھا کہ میں اپنے ملک کی خاطر آئندہ ٹی 20 ورلڈ کپ کے لیے اپنی دستیابی کا اعلان کرتا ہوں کیونکہ یہ میرے ذاتی فیصلوں پر مقدم ہے۔ سبز جرسی پہننا اور اپنے ملک کے لیے اپنی خدمات پیش کرنا ہمیشہ سے میری سب سے بڑی خواہش رہی ہے اور آئندہ بھی رہے گی۔
یاد رہے کہ رواں ماہ جمعہ 13 دسمبر 2024 کو مایہ ناز آل راؤنڈر عماد وسیم نے بھی انٹرنیشنل کرکٹ سے ریٹائرمنٹ کا اعلان کیا تھا۔
