بھارت کے معروف پنجابی گلوکار دلجیت سنگھ دوسانجھ نے آئندہ بھارت میں کنسرٹ نہ کرنے کا اعلان کیا ہے۔
بھارتی میڈیا کے مطابق، دلجیت دوسانجھ نے ہفتے کو چندی گڑھ میں ایک لائیو شو کے دوران بھارت میں آئندہ لائیو کنسرٹ نہ کرنے کا اعلان کیا، جس کی ویڈیو بھی سوشل میڈیا پر وائرل ہوگئی ہے۔
یہ بھی پڑھیں: ’سرحدیں سیاستدانوں نے بنائی ہیں‘، دلجیت دوسانجھ کا پاکستانی مداح کو تحفہ، ویڈیو وائرل
انسٹاگرام پر شیئر کی گئی ویڈیو میں دلجیت دوسانجھ کو شو کے دوران مداحوں کے سامنے پنجابی میں کہتے سنا جاسکتا ہے، ’ادھر لائیو شو کے لیے انفراسٹرکچر موجود نہیں ہے۔‘
View this post on Instagram
دلجیت دوسانجھ کا کہنا تھا، ’یہ (لائیو شو) ایک بڑے ریونیو کا ایک ذریعہ ہے، کئی لوگوں کو یہاں روزگار ملتا ہے اور وہ کام کرنے کے قابل ہوتے ہیں، اگلی بار میں کوشش کروں گا کہ اسٹیج درمیان میں ہو تاکہ آپ لوگ اس کے ارد گرد کھڑے ہوسکیں۔‘
یہ بھی پڑھیں: دلجیت دوسانجھ کی ایک بار پھر پاکستانی گانے کے ساتھ انٹری
انہوں نے آخر میں کہا کہ جب تک ایسا نہیں ہوگا میں تب تک انڈیا میں کوئی شو نہیں کروں گا، یہ میرا حتمی فیصلہ ہے۔ دلجیت کی بات پر مداحوں نے شور مچاکر ان کی بات کی تائید کی۔
دلجیت نے ہفتے کو چندی گڑھ میں ہونے والا اپنا لائیو شو شرنج کا عالمی مقابلہ جیتنے والے کم عمر ترین بھارتی نوجوان گوکیش دوماراجو کے نام کیا تھا۔ انہوں نے شو کے دوران گوکیش کی تعریف بھی کی تھی۔
