گلگت بلتستان خاص کر گلگت شہر میں خواتین کی سفری مشکلات کو مدنظر رکھتے ہوئے ’سیکور ڈراپ‘ کے نام سے ایک ٹرانسپورٹ سروس کا آغاز سید مدبر عباس نے کیا۔
سید مدبر عباس قراقرم انٹرنیشنل یونیورسٹی کے ہونہار طالب علم ہیں۔ انہوں نے یہ ضرورت اس لیے محسوس کی کہ گلگت شہر کی خواتین کے سفر کو آسان بنانے کے لیے کسی قسم کا ٹرانسپورٹ سسٹم موجود نہیں ہے، جبکہ پبلک ٹرانسپورٹ نہ ہونے کے برابر ہے اور اکثر خواتین کو سفری مشکلات کی وجہ سے گھروں سے نکلنا مشکل ہوتا ہے بالخصوص یونیورسٹی کی طالبات کی ضرورت کو محسوس کرتے ہوئے انہوں نے ایک قدم اٹھایا جس میں ان کے ساتھ ٹیم بھی موجود ہے جو خواتین کو پک اینڈ ڈراپ کی سروس مہیا کررہے ہیں۔
انہوں نے بتایا کہ یہ سہولت خواتین کے لیے بہت ہی فائدہ مند ثابت ہوئی اور ہم اپنے مقصد میں کامیاب ہوئے۔
’میں مستقبل میں بھی اس طرح کے نئے پراجیکٹ پر کام کرنے کا ارادہ ہے جو علاقے کے لوگوں کے لیے مفید ثابت ہو۔
