پاکستانی اداکارہ عائزہ خان نے اداکاری میں مزید مشاقی کے حصول کے لیے لندن کی رائل اکیڈمی آف ڈرامیٹک آرٹ (راڈا) میں داخلہ لے لیا۔
یہ بھی پڑھیں: عائزہ خان بالی ووڈ کی کون سے اداکارہ سے متاثر ہیں؟
عائزہ خان نے انسٹاگرام پر برطانیہ کے قدیم ڈرامہ اسکولوں میں سے ایک ’راڈا‘ میں داخلہ حاصل کرنے اور اپنی ایک دیرینہ خواہش پوری ہونے کے حوالے سے اپنے مداحوں کو آگاہ کیا۔
پیارے افضل، میرے پاس تم ہو اور لاپتا جیسے ڈراموں سے شہرت حاصل کرنے والی اداکارہ نے سوشل میڈیا پر اپنے مداحوں کو اپنی خوشی میں شامل کرتے ہوئے مختلف تصاویر شیئر کیں۔
مزید پڑھیے: پاکستانی اداکارہ عائزہ خان کو متحدہ عرب امارات کا گولڈن ویزا مل گیا
انہوں نے لکھا کہ ان کا خواب اب پورا ہو رہا ہے کیوں کہ انہوں نے راڈا میں ایکٹنگ سیکھنے کے لیے داخلہ لے لیا ہے۔
عائزہ خان نے والدین کی حمایت پر شکریہ ادا کرتے ہوئے ان کی مہربانیوں کو سراہا اور کہا کہ ان کے غیر متزلزل تعاون کے بغیر یہ ممکن نہیں تھا۔
مزید پڑھیں: انسٹاگرام پر مقابلہ، سب سے زیادہ فالو کی جانے والی پاکستانی اداکارہ کون؟
اداکارہ کے اس فیصلے پر نہ صرف ان کے مداح بلکہ ان کے ساتھی فنکار بھی ان کا حوصلہ بڑھا رہے ہیں اور ان کے لیے نیک تمناؤں کا اظہار کر رہے ہیں۔
