فلسطین کی مزاحمتی تنظیم حماس کی جانب سے اسرائیلی فوج کو تگنی کا ناچ نچایا جارہا ہے، اسرائیلی فوج حماس کا مقابلہ نہیں کرسکتی لیکن غزہ کے معصوم شہریوں پر بمباری کی جارہی ہے، آج حماس کے عسکری ونگ القسام بریگیڈز کے جنگجو نے اسرائیلی فوجیوں پر خود کش حملہ کردیا۔
یہ بھی پڑھیں ’او وی خوب دیہاڑے سَن‘، خوشیاں لانے والی سردیاں اور بارشیں اب غزہ والوں کے دل کیوں دہلا دیتی ہیں؟
عرب میڈیا کی رپورٹ کے مطابق القسام بریگیڈز نے سماجی رابطے کے پلیٹ فارم ٹیلی گرام پر اپنے پیغام میں اسرائیلی فوجیوں پر حملے کا دعویٰ کیا ہے۔
القسام بریگیڈز کے مطابق جنگجو نے شمالی غزہ کے علاقے جبالیہ میں اسرائیلی فوج کے اسنائپر اور اس کے معاون کو نشانہ بنا کر ہلاک کیا۔
القسام بریگیڈز کے بیان میں بتایا گیا ہے کہ یہی جنگجو حملے کے کچھ وقت بعد اسرائیلی فوجی کے بھیس میں 6 اسرائیلی فوجیوں پر مشتمل دستے کے درمیان داخل ہوا اور خود کو دھماکے سے اڑا دیا۔
القسام بریگیڈز کے مطابق جنگجو کی جانب سے کیے گئے اس خود کش حملے میں اسرائیلی فوجی ہلاک اور زخمی ہوئے ہیں۔
یہ بھی پڑھیں غزہ: ایک دن میں 77 فلسطینی شہید، اب تک 644 کھلاڑی بھی جام شہادت نوش کرچکے
فلسطینی میڈیا کا کہنا ہے کہ 7 اکتوبر 2023 کے بعد القسام بریگیڈز کا یہ پہلا خود کش حملہ ہے، اسرائیل اور حماس کی لڑائی میں اب تک 44 ہزار سے زیادہ فلسطینی شہید ہوچکے ہیں جن میں خواتین اور بچوں کی بڑی تعداد موجود ہے۔
