پاکستان تحریک انصاف (پی ٹی آئی) کے بانی عمران خان نے فواد چوہدری کو بھگوڑا قرار دے دیا۔
پی ٹی آئی کے وکیل رہنما شعیب شاہین نے بانی پی ٹی آئی سے اڈیالہ جیل میں ملاقات کے بعد میڈیا سے گفتگو کرتے ہوئے کہاکہ عمران خان نے واضح کیا ہے کہ جو بھگوڑے پارٹی چھوڑ گئے ان کا پی ٹی آئی سے کوئی تعلق نہیں۔
انہوں نے کہاکہ عمران خان نے کہا ہے کہ ان کا ایکس ہینڈل بیرون ملک سے ہی چلایا جائےگا، کیونکہ یہاں سے اگر ایسا کریں گے تو اکاؤنٹ چلانے والے کو اٹھا لیا جائےگا۔
یہ بھی پڑھیں عمران خان کا ’ایکس اکاؤنٹ‘ فوج مخالفت میں استعمال ہو رہا ہے، فواد چوہدری
قبل ازیں عمران خان کی ہمشیرہ علیمہ خان نے بھی میڈیا سے گفتگو کی اور کہاکہ عمران خان نے کہا ہے کہ اگر کل (22 دسمبر) تک ہمارے مطالبات پر بات چیت کے لیے کوئی پیشرفت نہ ہوئی تو بیرون ملک پاکستانیوں سے ترسیلات زر نہ بھیجنے کی اپیل کردوں گا۔
اس سے قبل عمران خان کی ہمشیرہ علیمہ خان نے میڈیا سے گفتگو کرتے ہوئے کہاکہ عمران خان نے کہا ہے کہ اگر کل (22 دسمبر) تک ہمارے مطالبات پر بات چیت کے لیے کوئی پیشرفت نہ ہوئی تو بیرون ملک پاکستانیوں سے ترسیلات زر نہ بھیجنے کی اپیل کردوں گا۔
انہوں نے کہاکہ عمران خان کا مؤقف ہے کہ حکومت بات چیت کرنے میں سنجیدہ نہیں لگ رہی، ہمارے دو مطالبات تسلیم کیے جانے چاہییں، جن میں ایک بے گناہ سیاسی قیدیوں کی رہائی اور دوسرا 9 مئی و 26 نومبر کے واقعات کی تحقیقات کے لیے جوڈیشل کمیشن کا قیام عمل میں لایا جائے۔
علیمہ خان کے مطابق عمران خان نے کہا ہے کہ اگر کل تک مذاکرات کا آغاز ہو جاتا ہے تو میں ترسیلات زر نہ بھیجنے کی کال مؤخر کردوں گا۔
علیمہ خان نے کہاکہ عمران خان بالکل کلیئر ہیں کہ القادر ٹرسٹ کیس میں ان کو سزا سنا دی جائے گی، لیکن دوسرے کیسز کی طرح یہ بھی ہائیکورٹ سے ختم ہوجائےگا۔
انہوں نے کہاکہ اس وقت جو ججز پی ٹی آئی کے خلاف فیصلے دے رہے ہیں ان کی ترقی ہورہی ہے، جبکہ حق کے ساتھ کھڑے لوگوں کو او ایس ڈی کیا جارہا ہے، تاہم عمران خان نے کہا ہے کہ ان لوگوں کو گھبرانا نہیں چاہیے کہ کیوں کہ ظلم کا نظام زیادہ دیر نہیں چل سکتا۔
علیمہ خان نے کہاکہ عمران خان نے جوڈیشری کو واضح پیغام دیا ہے کہ قوم ان لوگوں کے ساتھ کھڑی ہے جو حق کا ساتھ دے رہے ہیں، اور یہ ایک دن ضرور سرخرو ہوں گے۔
یہ بھی پڑھیں کل تک ہمارے مطالبات پر پیشرفت نہ ہوئی تو ترسیلات زر نہ بھیجنے کی اپیل کردوں گا، عمران خان
بانی پی ٹی آئی کی ہمشیرہ نے مزید کہاکہ عمران خان نے ظلم کے نظام کے خلاف جہاد کرنے کی اپیل کی ہے۔
