پاکستان میں ایرانی سفیر ڈاکٹر رضا امیری مقدم کا بانی پاکستان قائد اعظم محمد علی جناح کو زبردست خراج تحسین
بانی پاکستان قائداعظم محمد علی جناح کے 149ویں پیدائش پر انہیں خراج تحسین پیش کرتے ہوئے پاکستان میں ایرانی سفیر ڈاکٹر رضا امیری مقدم نے کہا ہے کہ ’میں قائد اعظم محمد علی جناح کی سالگرہ پر پاکستان کی حکومت اور عوام کو مبارکباد پیش کرتا ہوں‘۔
میں قائد اعظم محمد علی جناح کی سالگرہ پر پاکستان کی حکومت اور عوام کو مبارکباد پیش کرتا ہوں ۔
پاک سرزمین جو آج اسلامی دنیا میں ایک مؤثر کردار ادا کر رہی ہے، یہ عظیم فلاسفر علامہ اقبال کی فکری قیادت اور قائد اعظم کی سیاسی کوششوں کا نتیجہ ہے۔یہ دونوں متاثر کن شخصیات پاکستان کی… pic.twitter.com/bDiPLPaqqi
— Reza Amiri Moghadam (@IranAmbPak) December 24, 2024
سوشل میڈیا پلیٹ فارم ’ایکس‘ پر کی گئی ٹوئٹ میں ایرانی سفیر نے لکھا کہ ’پاک سرزمین جو آج اسلامی دنیا میں ایک مؤثر کردار ادا کر رہی ہے، یہ عظیم فلاسفر علامہ اقبال کی فکری قیادت اور قائد اعظم کی سیاسی کوششوں کا نتیجہ ہے‘۔
ڈاکٹر رضا امیری مقدم نے مزید لکھا کہ ’یہ دونوں متاثر کن شخصیات پاکستان کی عظیم قوم کی آزادی، اتحاد اور ایمان کی علامت ہیں‘۔
