باکسنگ ڈے ٹیسٹ کے پہلے دن ویرات کوہلی کی آسٹریلوی اوپنر سیم کونسٹاس کے ساتھ الجھنے اور تلخی کے بعد آسٹریلوی میڈیا نے انہیں مسخرہ قرار دیا ہے، ساتھ ہی ان کے لیے ڈرپوک کا لفظ بھی استعمال کیا گیا۔
آئی سی سی کی جانب سے ویرات کوہلی کو میچ فیس کا 20 فیصد جرمانہ کرنے کے باوجود آسٹریلوی میڈیا اس معاملے کو اچھال رہا ہے۔ ایک اخبار میں ویرات کو کوہلی کو ’مسخرہ کوہلی‘ لکھا گیا اور ساتھ ہی ان کے لیے ڈرپوک کا لفظ بھی استعمال کیا گیا۔
مزید پڑھیں: سام کونسٹاس سے الجھنے والے ویرات کوہلی بھاری جرمانے سے کیسے بچے؟
یاد رہے کہ باکسنگ ڈے ٹیسٹ کے پہلے دن ویرات کوہلی نے سیم کونسٹاس کو کندھا مارا تھا۔ جمعرات، 26 دسمبر کو کوہلی نے کھیل کے پہلے سیشن میں آسٹریلوی ڈیبیو کرنے والے کھلاڑی سام کونسٹاس کو دانستہ کندھا مارا تھا، انہیں ایسا کرتے کیمرے کی آنکھ نے بھی محفوظ کرلیا تھا۔
لائیو میچ کے دوران ویرات کوہلی کی آسٹریلوی بیٹر سے الجھنے کی ویڈیو بعد میں سوشل میڈیا پر بھی وائرل ہو گئی تھی۔ بھاری جرمانے کے بعد ویرات کوہلی نے میچ ریفری اینڈی پائیکرافٹ سے ملاقات کی جو 10 منٹ تک جاری رہی تھی۔
مزید پڑھیں: آسٹریلوی صحافی کے ساتھ تلخ کلامی، ویرات کوہلی بےقابو ہوگئے
ریفری سے ملاقات میں سابق انڈین کپتان نے یہ تسلیم کیا کہ وہ بین الاقوامی کرکٹ کونسل کے ضابطہ اخلاق کیخلاف ورزی کے مرتکب ہوئے ہیں۔ کوہلی کی جانب سے غلطی تسلیم کیے جانے کے بعد ان پر عائد بھاری جرمانے کو لیول 1 کے جرم کا الزام عائد کیا گیا، جو میدان میں ہاتھا پائی کی سب سے ہلکی سزا ہے۔
