جاپان کی فحش فلموں کی معروف اداکارہ کائے اساکورا نے حال ہی میں پنجاب کے دارالحکومت لاہور کا دورہ کیا جس کی تصاویر انہوں نے سوشل میڈیا پر شیئر کیں جو دیکھتے ہی دیکھتے وائرل ہوگئیں۔
جاپانی اداکارہ کائے اساکورا نے فوٹو اینڈ ویڈیو شیئرنگ ایپ انسٹاگرام پر جو تصاویر اور ویڈیوز شیئر کیں اس میں انہیں لاہور کی تاریخی بادشاہی مسجد اور دیگر تاریخی مقامات کی سیر کرتے دیکھا جا سکتا ہے۔
کائے اساکورا نے لاہور کی سیر کرتے ہوئے کالے رنگ کا برقعہ اور مکمل حجاب پہنا ہوا تھا۔ شیئر کی گئی تصاویر کی کیپشن میں کائے اساکورا لکھا کہ ’خوبصورت دن آپ کے پاس نہیں آتے، آپ کو ان کی طرف چل کر جانا پڑتا ہے‘۔
View this post on Instagram
اداکارہ کی جانب سے حجاب کے ساتھ تصاویر شیئر کرنے پر پاکستانی سوشل میڈیا پر یہ افواہیں بھی پھیلنے لگیں کہ جاپانی اداکارہ دائرہ اسلام میں داخل ہونے جا رہی ہیں جبکہ کئی صارفین ایسے تھے جنہوں نے ان سے دورہ لاہور کا مقصد پوچھا کہ آخر وہ لاہور میں کیا کر رہی ہیں۔
واضح رہے کہ کائے اساکورا نے متعدد ایکشن فلموں اور ویب سیریز میں کام کیا ہے اور ان کی زیادہ تر فلمیں اور ویب سیریز جاپان، کوریا، تھائی لینڈ اور سنگاپور جیسے ممالک میں مقبول ہیں۔
