جوڈیشل کمیشن نے پشاور ہائیکورٹ میں ایڈیشنل ججز کی تقرری کے معاملے پر یکم فروری کو ہونے والے اجلاس کے لیے ممبران کو ناموں کی فہرست سے آگاہ کردیا ہے۔
سیکریٹری جوڈیشل کمیشن کی جانب سے ممبران کو نام جاری خط میں بتایا گیا ہے کہ پشاور ہائیکورٹ کے لیے 40 وکلا اور ججز کے نام زیر غور آئیں گے۔
یہ بھی پڑھیں: جوڈیشل کمیشن اجلاس: اسلام آباد ہائیکورٹ کے لیے 2، بلوچستان کے لیے 3 ججوں کے ناموں پر اتفاق
خط میں بتایا گیا ہے کہ ڈسٹرکٹ اینڈ سیشن ججز میں کلیم ارشد، فرح جاوید، انعام اللہ اور صوفیہ وقار کے نام شامل ہیں جبکہ وکلا میں عبدالفیاض ،عالم خان، عامر جاوید،عاطف علی، اورنگزیب، بخت جمال اور بشارت خان کے نام شامل ہیں۔
وکلا میں بلال احمد، غلام محمد، جنید انور، کوثر علی شاہ، منصور طارق، محمد علی خان، محمد بصیر نوید، حبیب قریشی، محمد اکرام، محمد انعام، محمد جاوید، محمد رفیق، محمد طارق آفریدی اور محمد مختار احمد کے نام شامل بھی شامل ہیں۔
All Nominations Final List … by Syed Awad
دیگر وکلا میں ایڈوکیٹ ناصر محمود، نعمان الحق، قاضی بابر ارشاد، قاضی جاوید، مس راحیلہ، صابت اللہ خان، صادق علی، صلاح الدین، سردار علی رضا، شبنم نواز، شاہ فیصل، شمائل بٹ، مدثر امیر، شکیل خان اور سید سکندر حیات کے نام شامل ہیں۔
پشاور ہائیکورٹ میں ججز کی تقرری سے متعلق اجلاس یکم فروری کو دن 11 بجے ہوگا۔
