چیئرمین پاکستان تحریک انصاف عمران خان نے کہا ہے کہ علی امین گنڈا پور اور علی زیدی کو جس طرح جعلی مقدمات میں حراست میں رکھا جا رہا ہے یہ انتہائی قابل مذمت ہے۔
سماجی رابطے کی ویب سائٹ ٹوئٹر پر اپنے ایک بیان میں عمران خان کا کہنا تھا کہ ہمیں خدشہ ہے کہ اعظم سواتی اور شہباز گل کی طرح ان دونوں کو بھی حراست کے دوران تشدد کا نشانہ بنایا جائے گا۔
democracy simply to fulfill nefarious London Plan. Our social media activist Waqas Amjad was abducted & severe custodial torture was inflicted upon him before being released. Institutions are destroyed, economy has nosedived & fundemanetal rights are being trampled with impunity.
— Imran Khan (@ImranKhanPTI) April 17, 2023
عمران خان نے کہا کہ بدمعاشوں اور ان کے کارندوں نے لندن پلان کی تکمیل کے لیے آئین، قانون کی حکمرانی، عدالتی احکامات اور جمہوریت کا مکمل مذاق اڑایا ہے۔
چیئرمین تحریک انصاف نے کہا کہ ہمارے سوشل میڈیا کے نوجوان وقاص امجد کو اغواء کر لیا گیا اور رہائی سے قبل ان پر شدید تشدد کیا گیا۔
عمران خان کا کہنا تھا کہ اس وقت ادارے تباہ ہو چکے ہیں، معیشت دم توڑ چکی ہے اور بنیادی انسانی حقوق کو استثنیٰ کے ساتھ پامال کیا جا رہا ہے۔
انسان کو اللہ نے اشرف المخلوقات بنایا ہے: عمران خان
قبل ازیں زمان پارک میں افطاری کے موقع پر کارکنوں سے خطاب کرتے ہوئے عمران خان کا کہنا تھا کہ اللہ نے انسان کو اشرف المخلوقات بنایا ہے اور ہم میں اکثر لوگوں کو اپنی صلاحیتوں کا معلوم ہی نہیں ہوتا۔
چئیرمین عمران خان کا خطاب pic.twitter.com/TQO15Qa6Om
— PTI (@PTIofficial) April 17, 2023
انہوں نے کہا کہ انسان وہ مخلوق ہے جس کو اللہ کے حکم پر فرشتوں نے بھی سجدہ کیا اور انکار کرنے پر ابلیس کو جنت سے نکال دیاگیا۔ میرا آپ کی تربیت کرنے کا مقصد آپ کو لیڈر شپ کے حوالے سے بتانا ہے۔
