وزیر اعظم شہباز شریف کی ڈونلڈ ٹرمپ کو صدر بننے پر مبارک باد

منگل 21 جنوری 2025
icon-facebook icon-twitter icon-whatsapp

وزیر اعظم شہباز شریف نے نو منتخب امریکی صدر ڈونلڈ ٹرمپ کو عہدہ سنبھالنے پر مبارک باد دی ہے۔

وزیراعظم نے ایکس پر اپنی پوسٹ میں لکھا ہے ’ میں ڈونلڈ ٹرمپ کو امریکا کا 47واں صدر بننے پر مبارک باد پیش کرتا ہوں، میں ان کے ساتھ پاک امریکا تعلقات کو مزید مضبوط کرنے کے لیے کام کرنے کا خواہاں ہوں۔‘

ان کا کہنا تھا کہ کئی سالوں سے امریکا اور پاکستان نے اپنے لوگوں کی سلامتی اور خوشحالی کے لیے خطے میں اور اس سے باہر ایک ساتھ کام کیا ہے اور ہم ایسا  مستقبل میں بھی کرتے رہیں گے۔

یہ بھی پڑھیے:امریکی صدر ڈونلڈ ٹرمپ نے پہلے دن کونسے بڑے فیصلے کیے؟

pm shahbaz sharif tweet on trump inauguration

وزیر اعظم نے دوسری بار صدر بننے پر ڈونلڈ ٹرمپ کے لیے اپنی نیک خواہشات کا بھی اظہار کیا۔

واضح رہے کہ ڈونلڈ ٹرمپ نے امریکا میں نومبر میں ہونے والے صدارتی انتخابات میں کامیابی کے بعد گزشتہ روز اپنے عہدے کا حلف لیا ہے۔

 

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp