پاکستانی ڈرامہ انڈسٹری کے 2 معروف اداکار، گوہر رشید اور کبریٰ خان نے ایک انسٹاگرام پوسٹ میں اپنی ہونے والی شادی کی تصدیق کردی ہے۔
دونوں اداکاروں کی شادی کے بارے میں حالیہ دنوں چہ مگوئیاں تو ہورہی تھیں تاہم خود ان کی طرف سے کوئی تصدیق نہیں آئی تھی۔
البتہ اب دونوں نے اپنے انسٹاگرام اکاؤنٹس پر ایک ویڈیو شیئر کرتے ہوئے اپنی ہونے والی شادی کی تصدیق کی ہے۔
یہ بھی پڑھیے:کیا کبریٰ خان اور گوہر رشید نے نکاح کرلیا؟
اس دلچسپ ویڈیو دوسرے اداکاروں، ہمایون سعید، عاصم اظہر اور اذان سمیع خان کو ایک ’نامعلوم‘ شادی کے بارے میں حیرانی کا اظہار کرتے دیکھا جاسکتا ہے جس کے آخر میں کبریٰ خان اور گوہر رشید ایک ساتھ نظر آتے ہیں اور اشاروں سے اس شادی کا جوڑا ہونے کی تصدیق کرتے ہیں۔
View this post on Instagram
اس سے قبل گوہر رشید کی ایک ویڈیو وائرل ہوئی تھی جس میں انہیں نکاح خواں اور شوبز شخصیات کی موجودگی میں نکاح نامے پر دستخط کرتے ہوئے دیکھا جا سکتا تھا۔
یہ بھی پڑھیے:کبریٰ خان اور گوہر رشید کی شادی کی تیاریاں؟ ڈانس ویڈیو وائرل
یہ ویڈیو ایک ایسے وقت میں وائرل ہوئی تھی جب کہ اداکار اور کبریٰ خان کی شادی کی افواہیں گرم تھیں۔ ویڈیو سوشل میڈیا پر وائرل ہوئی تو چند صارفین کی جانب سے دعویٰ کیا گیا کہ اداکار گوہر رشید نے شادی کر لی ہے جبکہ کئی صارفین ایسے بھی تھے جنہوں نے کہا کہ یہ ویڈیو اداکار حمزہ علی عباسی کی شادی کے موقع پر بنائی گئی تھی جس میں گوہر رشید گواہ بنے تھے۔