پاکستانی ہائی کمیشن نئی دلی کے زیر انتظام پاکستان فیسٹ کا انعقاد کیا گیا جہاں پاکستانی تہذیب و تمدن، ثقافت اور پکوانوں سمیت فنون لطیفہ کی عکاسی کی گئی۔
یہ بھی پڑھیں: 5سالہ پاکستانی مارشل آرٹسٹ کا کارنامہ، انڈیا کا ریکارڈ توڑ دیا
پاکستان فیسٹ میں متعدد اسٹالز لگائے گئے، جن میں فیس پینٹ، روایتی پاکستانی ملبوسات اور پاکستانی پکوان کے اسٹالز بھی شامل ہیں، پاکستانی روایات، تہذیب، فنون لطیفہ اور تاریخ کے تناظر میں ایک تصویری نمائش بھی پیش کی گئی۔
To celebrate 🇵🇰’s rich cultural
heritage & diverse cuisine, @PakinIndia organized a 'Pakistan Fest' in New Delhi, today. The event was attended by people from all walks of life.@ForeignOfficePk@Saadawarraich@epwing_official pic.twitter.com/rpoE8HHAvJ— Pakistan High Commission India (@PakinIndia) February 9, 2025
اس موقع پر نئی دلی میں پاکستانی ناظم الامور سعد احمد وڑائچ نے اپنے خطاب میں بتایا کہ پاکستان فیسٹ کے رنگ اور لذیذ ذائقے پاکستان کی قابل فخر ثقافت اور روایات کا منہ بولتا ثبوت ہیں، اس طرح کی تقریبات ثقافتی افہام و تفہیم کے فروغ کے لیے اہم ہیں۔
مزید پڑھیں: پاکستان اور انڈیا کے نامو ر فنکاروں کی تعلیمی قابلیت جان کر آپ دنگ رہ جائیں
ان کا کہنا تھا کہ ہمدردی اور دوستی کی فضا کو فروغ دینے کے لیے اس طرح کی تقریبات ضروری ہیں، مختلف شعبہ ہائے زندگی سے تعلق رکھنے والے افراد کی بڑی تعداد پاکستان فیسٹ میں شریک ہوئی۔
