اسلام آباد اور اسلام آباد سمیت آزاد کشمیر کے متعدد علاقوں میں زلزلے کے جھٹکے، لوگ گھروں سے باپر نکل آئے۔
یہ بھی پڑھیں:سپریم کورٹ نے آڈیٹر جنرل پاکستان سے زلزلہ متاثرین فنڈز کی آڈٹ رپورٹ طلب کرلی
اسلام آباد، روالپنڈی کے علاوہ آزاد کشمیر میں بھمبھر اور دھیر کوٹ کے سمیت متعدد علاقوں میں میں زلزلے کے جھٹکے محسوس کیے گئے۔ چند ثانیوں تک جاری رہنے والے زلزلے کے بعد لوگ گھروں سے نکل آئے۔
پی ایم ڈی اسلام آباد کے مطابق زلزلے کی شدت 4.8 تھی، زلزلہ زمین کے اندر 17 کلومیٹر کی گہرائی میں تھا، جب کہ زلزلے کا مرکز راولپنڈی کا علاقہ تھا۔
ابھی تک کی اطلاع کے مطابق زلزلے کے نتیجے میں کسی بھی قسم کا کوئی نقصان رپورٹ نہیں ہوا ہے۔
زلزلہ کیوں آتاہے؟
زلزلہ کیوں آتاہے؟ اس کی کیاسائنسی وجوہات ہیں، ماہرین ارضیات اس بارے میں کیاکہتے ہیں؟
زیر زمین ارضیاتی پلیٹیں یا بڑی بڑی چٹانیں جب شدید دباؤکے تحت ٹوٹتی اور سرکتی ہیں تو زمین کی سطح پر اس کے شدید اثرات نمودارہوتے ہیں، جنہیں زلزلے کا نام دیاجاتا ہے۔
زلزلے کا مرکزی مقام محور کہلاتا ہے جبکہ محورکے عین اوپرکے مقام کو زلزلے کا مرکز یا ایپی سنٹر کہا جاتا ہے۔
3 طرح کی لہریں زلزلے کا باعث بنتی ہیں
ماہرین کے مطابق 3 طرح کی لہریں زلزلے کا باعث بنتی ہیں جنہیں سائنس مک ویوز کہا جاتا ہے۔ انہیں پی، ایس اور ایل ویو بھی کہاجاتا ہے۔ یہ لہریں محور سے تمام اطراف میں پھیلتی ہیں۔
زلزلے سے ہونے والے نقصان کا انحصار اس کی زیر زمین گہرائی اور شدت پرہوتاہے سطح زمین سے گہرائی جتنی کم ہوگی سطح زمین کے اوپر تباہی اتنی ہی زیادہ ہوگی۔
