امریکی تحقیقاتی صحافی سیمور ہرش کی رپورٹس جھوٹی قرار دینے کے بعد فیس بک تنقید کے نشانے پر ہے۔
سیمور ہرش دعویٰ کیا تھا کہ گزشتہ سال روس سے جرمنی تک گیس لے جانے کے لیے بنائی گئی نارڈ اسٹریم پائپ لائنوں کے خلاف تخریب کاری کا حکم امریکی صدر جو بائیڈن نے دیا تھا جو امریکا اور ناروے کی ایک مشترکہ ٹیم نے انجام دیا تھا تاہم دونوں ممالک نے اس الزام کی تردید کی ہے۔
اس سلسلے میں صحافی مائیکل شیلنبرگر کا کہنا ہے کہ سب اسٹیک پر شائع ہونے والا ہرش کا پائپ لائن کی تخریب کاری والے مضمون کو اب فیس بک کی جانب سے ’غلط معلومات‘ کے طور پر فلیگ کیا گیا ہے۔
شیلنبرگر کا مزید کہنا ہے کہ فیس بک اپنے پلیٹ فارم پر پبلش ہونے والی خبروں کی تھرڈ پارٹی کے ذریعے فیکٹ چیکنگ کرواتا ہے تاکہ کسی پوسٹ کے غلط ہونے کی صورت میں سنسر کردیا کردیا جائے۔
اس معاملے میں حقائق کی جانچ کرنے والا ناروے کا پبلک براڈکاسٹر این آر کے تھا جس نے اپنے ایک پارٹنر میڈیا واچ ڈاگ کا ایک مضمون شائع کیا جس میں دعویٰ کیا گیا تھا کہ ہرش کو نارڈ اسٹریم کی تخریب کاری میں نارویجن بحریہ کے جہازوں کے مبینہ ملوث ہونے کے بارے میں مغالطہ ہوا تھا۔
شیلنبرگر فیس بک کی سینسرشپ پالیسی کے ناقد ہیں۔ ان کا کہنا ہے کہ چاہے ہرش غلط ہو صحیح اس کی رپورٹنگ پر عوامی سطح پر بحث ہونی چاہیے تھی نہ کہ اسے سینسر کردیا جاتا۔
There is a big debate over who blew up the Nord Stream pipeline. Instead of allowing the debate, Facebook has decided to take a side. It is censoring Pulitzer-winning journalist Seymour Hersh. And instead of explaining, Facebook sends readers to an article in Norwegian. Watch pic.twitter.com/nN18HovBPR
— Michael Shellenberger (@shellenberger) April 19, 2023
انہوں نے مزید کہا کہ فیس بک کے اقدامات امریکا کی آزاد بحث کی روایت اور اس کی خفیہ، آمرانہ سنسرشپ کو مسترد کرنے کی پالیسی کے خلاف ہیں۔
ہرش نے گزشتہ ہفتے ایک اور رپورٹ شائع کی تھی جس میں انہوں نے دعویٰ کیا تھا کہ امریکی انٹیلی جنس یوکرین کی قیادت کی طرف سے امریکی امداد کی رقم کے بڑے پیمانے پر غبن سے آگاہ تھی جبکہ فیس بک نے اس رپورٹ کو بھی جھوٹا قرار دیا تھا۔ہرش نے یوکرین کی صورت حال کا موازنہ افغانستان میں امریکی فوجیوں کی 20 سال موجودگی کے دوران کی صورتحال سے کیا تھا۔ امریکی انسپکٹرز کی رپورٹس نے ہرسال بدعنوانی کو بے نقاب کیا تھا جس کا امریکا پر کوئی اثر نہیں ہوا تھا اور اس کے ’تعمیر نو‘ کے نام پر اخراجات جاری رہے تھے۔
