بالی ووڈ اداکار شاہ رخ خان نے حسب روایت، امسال بھی عیدالفطر کے موقع پر اپنے مداحوں کی خوشی سے نہال کردیا۔
شاہ رخ خان کے مداح ہر سال ان کے گھر’منت‘ کے باہر جمع ہوتے ہیں۔ آج بھی ہزاروں کی تعداد میں شاہ رخ خان سے محبت کرنے والے ان کے گھر کے باہر جمع تھے، پھر شاہ رخ خان گھر کی بالکونی میں نمودار ہوئے۔
شاہ رخ خان نے اس موقع پر سفید ٹی شرٹ اور سیاہ جینز پہن رکھی تھی جبکہ دھوپ سے بچنے کے لیے سیاہ چشمہ بھی لگایا ہوا تھا۔
So lovely to see you all on this festive day!!! Now let’s spread the love… and may God’s blessings be upon all of us… Eid Mubarak. pic.twitter.com/P7eYPmgSko
— Shah Rukh Khan (@iamsrk) April 22, 2023
مداحوں نے شاہ رخ خان کو بالکونی میں دیکھا تو خوب خوشی کا اظہار کیا جس پر بالی ووڈ کنگ نے بھی مداحوں کی محبت کا شکریہ ادا کیا۔ بعدازاں ان سے منسوب ٹوئٹر اکاؤنٹ پر لکھا گیا کہ اس پرمسرت تہوار پر آپ سب کو دیکھ کر آپ سب کے لیے بہت محبت محسوس کررہا ہوں۔ خدا کی رحمتیں آپ سب پر ہوں۔ عید مبارک۔
ایک مداح نے گھر کے باہر کھڑی گاڑی پر چڑھنے کی کوشش کی جس پر کنگ خان نے ہاتھ سے اشارہ کرتے ہوئے جان خطرے میں ڈالنے سے منع کیا۔
یاد رہے کہ بالی ووڈ اداکار شاہ رخ خان ہر سال مداحوں کی خواہش پر عید کے موقع پر اپنی بالکونی میں کھڑے ہوکر مداحوں کو مبارک باد دیتے ہیں ۔
