جمہوریہ چیک پولر بیئر ڈپ کے مقابلوں میں تیراکوں نے نیا ریکارڈ قائم کردیا ہے۔
گنیز ورلڈ ریکارڈ کے مطابق جمہوریہ چیک کی موسٹ جھیل میں پولر بیئر ڈپ کے مقابلوں میں کل 2 ہزار 461 افراد نے شرکت کی، پچھلا ریکارڈ ایک ہزار 799 تیراکوں کا تھا جنہوں نے 15 فروری 2015 میں بحیرہ بالٹک میں پولینڈ بیئر ڈپ میں حصہ لیا تھا۔
یہ بھی پڑھیں: ڈاکٹر ذاکر نائیک کی دریائے نیل میں تیراکی، 165 فٹ کی بلندی سے چھلانگ لگانے کی ویڈیو وائرل
مقابلوں میں شرکا کو ٹھنڈے پانی میں کم از کم ایک منٹ گزارنا تھا، شرکا کو کمر تک پانی میں ڈوبنا تھا۔
اس دوران پانی کا درجہ حرارت 3.5 ڈگری سینٹی گریڈ (38.2 ڈگری فارن ہائیٹ) تھا۔
‘تقریب کے منتظم ڈیوڈ وینکل نے کہا کہ ’چیک قطبی تیراکوں کی قوم ہیں۔‘
یہ بھی پڑھیں: پیرس اولمپکس: ’شکر کریں پاکستانی تیراک نے آخری پوزیشن حاصل کی، ڈوب نہیں گئے‘
ڈیوڈ وینکل ایک فری ڈائیور ہیں، جنہوں نے خود 4 سال قبل برف کے نیچے تیراکی میں عالمی ریکارڈ قائم کیا تھا جب انہوں نے ٹھنڈے پانی میں 80.9 میٹر (265 فٹ) کا ریکارڈ فاصلہ طے کیا تھا۔
