چیف جسٹس پاکستان جسٹس عمر عطاء بندیال کا بینچ اچانک ڈی لسٹ کر دیا گیا۔ بینچ کے سامنے سماعت کے لیے مقرر تمام مقدمات بھی ڈی لسٹ کر دیئے گئے ہیں۔
رجسٹرار سپریم کورٹ نے مقدمات ڈی لسٹ ہونے کا نوٹیفکیشن جاری کر دیا ہے۔ چیف جسٹس پاکستان کے بینچ میں جسٹس جمال مندوخیل اور جسٹس اطہر من اللّٰہ بھی شامل تھے۔ بینچ کے سامنے آج 12 مقدمات سماعت کے لیے مقرر کیے گئے تھے۔
طبیعت ناساز ہونے کی وجہ سے چیف جسٹس کا بینچ ڈی لسٹ کیا گیا: ترجمان سپریم کورٹ
ترجمان سپریم کورٹ نے اپنے بیان میں واضح کیا ہے کہ چیف جسٹس عمر عطا بندیال کی طبیعت ناساز ہونے کی وجہ سے چیف جسٹس کا بینچ ڈی لسٹ کیا گیا ہے۔
سپریم کورٹ کے بینچ نمبر 2 کے مقدمات کی فہرست بھی منسوخ کر دی گئی ہے
جسٹس سردار طارق مسعود اور جسٹس شاہد وحید پر مشتمل بینچ نمبر 2 کی کاز لسٹ بھی منسوخ کر دی گئی ہے۔ بنچ نمبر 2 کے تمام مقدمات کی سماعت کے لیے جسٹس اعجازالاحسن اور جسٹس امین الدین خان پر مشتمل نیا بنچ تشکیل دیا گیا ہے۔
سپریم کورٹ کے 3 بینچ آج مقدمات کی سماعت کر رہے ہیں
بینچ نمبر 2 میں جسٹس اعجاز الااحسن اور جسٹس امین الدین خان موجود ہیں۔
بینچ نمبر 3 میں جسٹس منصور علی شاہ، جسٹس عائشہ ملک اور جسٹس شاہد وحید شامل ہیں۔
بینچ نمبر 4 میں جسٹس منیب اختر اور جسٹس مظاہر علی نقوی شامل ہیں۔
