پنجاب کی سینیئر صوبائی وزیر مریم اورنگزیب کا تھانہ نیو ٹاؤن اور ہولی فیملی اسپتال کا اچانک دورہ کیا۔
تھانہ نیو ٹاؤن کے وزٹ کے دوران سینیئر صوبائی وزیر نے وزیر اعلیٰ پنجاب کے حکم پر تھانہ نیو ٹاؤن کو اسمارٹ پولیس اسٹیشن بنانے، تھانے میں مینجمنٹ انفارمیشن سسٹم کی تنصیب، ٹوکن سسٹم کے آغاز اور عوام رہنمائی کے لیے نشانات آویزاں کرنے کی ہدایت۔
یہ بھی پڑھیں:مریم اورنگزیب کا بھیس بدل کر اسپتالوں کا دورہ، سینیئر وزیر نے کیا دیکھا؟
اس موقع پر سینیئر صوبائی وزیر نے خواتین کے لیے بہتر انتظامات کے علاوہ تھانے میں ہوا اور روشنی کی فراہمی کے لیے اقدامات، عمارت کی مرمت، رنگ و روغن اور داخلی علاقے کی صفائی کی بھی ہدایت کی۔
سینیئر صوبائی وزیر مریم اورنگزیب کا تھانہ نیو ٹاؤن اور ہولی فیملی ہسپتال کا اچانک دورہ۔ تھانہ نیو ٹاؤن کو سمارٹ پولیس سٹیشن میں تبدیل کرنے کی منظوری دیتے ہوئے خواتین کیلیے بہتر انتظامات عمارت کی مرمت اور صفائی کے اقدامات پر زور دیا گیا۔ ہولی فیملی ہسپتال کی ایمرجنسی میں بستروں کی… pic.twitter.com/MVx6TCUupz
— PMLN (@pmln_org) April 4, 2025
ہولی فیملی اسپتال کے دورے کے دوران سینیئر صوبائی وزیر نے وزیراعلیٰ پنجاب کے حکم پر اسپتال کی ایمرجنسی میں بستروں کی تعداد مزید بڑھانے کی ہدایت کی۔
اس موقع پر مریم اورنگزیب نے 4 میں سے 2 بند پڑے آپریشن تھیٹرز بھی فعال بنانے اور سرجریز میں تاخیر نہ کرنے کی ہدایت بھی کی۔
سینیئر صوبائی وزیر نے ہولی فیملی اسپتال میں صفائی، ادویات کی فراہمی دوائیاں، علاج معالجے کی سہولیات کا بھی جائزہ لیا۔
اس موقع پر انہوں نے مفت ادویات کی فراہمی کی ریکارڈنگ بند ہونےکا نوٹس لیتے ہوئے ہدایت کی کہ عوام کو آگاہ کیا جائے کہ ادویات مفت مل رہی ہیں۔
یہ بھی پڑھیں:شہباز شریف کے پاس جادو کی چھڑی نہیں، کام کیا ہے، مریم اورنگزیب
انہوں نے فارمیسی کے باہر دوائیوں کی تفصیل اسکرین پر جاری کرنے کی ہدایت کے ساتھ ساتھ ہیلپ لائن اور ریکارڈنگ کے حوالے سے وارننگ دی۔
انہوں نے وزیراعلیٰ پنجاب کی جانب سے مجموعی انتظامات کے حوالے سے ڈاکٹروں اور عملے کو شاباش بھی دی۔
