وزیراعظم پاکستان شہباز شریف نے کہا ہے کہ ہم نے ملک میں میکرو اکنامک استحکام حاصل کرلیا، بجلی کی قیمتوں میں مزید کمی کے لیے اصلاحات کا عمل جاری ہے۔
یہ بھی پڑھیں وزیراعظم کی جانب سے بجلی کی قیمتوں میں ریلیف، پاور ڈویژن کا ردعمل سامنے آگیا
اجلاس میں گفتگو کرتے ہوئے شہباز شریف نے کہاکہ بجلی کی قیمتوں میں ساڑے 7 روپے یونٹ کمی کی گئی ہے، جس سے گھریلو اور صنعتی صارفین کو فائدہ پہنچے گا۔
انہوں نے کہاکہ یہ ایک بڑا ریلیف ہے جو گھریلو اور صنعتی صارفین کو فراہم کیا گیا ہے، اللہ کا شکر ہے ہم نے میکرو اکنامک استحکام حاصل کرلیا۔
وزیراعظم نے کہاکہ حالیہ دنوں میں تیل کی قیمتیں کم ہوئی ہیں، اس کا فائدہ اٹھانے کی کوشش کرنی چاہیے۔ بجلی کی قیمتوں میں کمی سے پیداواری لاگت میں کمی آئے گی۔
انہوں نے کہاکہ جب سے ہماری حکومت بنی ہے اس وقت سے اصلاحات کے لیے بھرپور محنت کی گئی۔
یہ بھی پڑھیں بجلی کی قیمت میں تبدیلی کے بعد بلوں میں کتنی کمی ہوگی؟
واضح رہے کہ کچھ روز قبل وزیراعظم پاکستان شہباز شریف نے بجلی کی قیمتوں میں فی یونٹ 7 روپے سے زیادہ کمی کا اعلان کیا تھا، جس کے بعد پاور ڈویژن نے کہا تھا کہ حکومت کی جانب سے کیے گئے اعلان پر عملدرآمد کیا جائےگا۔
