صحافی کا وہ سوال جس کا جواب نہ بابر اعظم دے سکے نہ محمد رضوان

پاکستان سپر لیگ (پی ایس ایل) 10 میں شامل 6 ٹیموں کے کپتانوں شاہین شاہ آفریدی، بابر اعظم، محمد رضوان، شاداب خان، حسن علی اور سعود شکیل نے اسلام آباد میں ایک مشترکہ پریس کانفرنس کی، جس کے بعد صحافیوں نے ان سے مختلف سوالات کیے لیکن ایک سوال ایسا تھا جس کا جواب نہ تو بابر اعظم دے سکے اور نہ ہی محمد رضوان۔ پھر شاہین آفریدی نے کہا کہ وہ اس سوال کا جواب دیتے ہیں۔

صحافی نے بابر اعظم سے سوال کیا کہ اس وقت قوم کا مورال ڈاؤن ہے، آپ کیا سمجھتے ہیں کہ ہم کہاں پر کمزوری دکھا رہے ہیں۔ انہوں نے کہا کہ جب بھی کوئی ٹیم 200 سے زائد اسکور کرتی ہے تو قومی ٹیم کے ہاتھ پاؤں پھول جاتے ہیں اور ہم ہدف پورا کرنے میں ناکام رہتے ہیں تو کیا آپ پی ایس ایل میں اس کی پریکٹس کریں گے کہ اگر کوئی ٹیم 200 سے زائد اسکور کا ٹارگٹ بھی دیتی ہے تو ہم ہدف کو آسانی سے پورا کر لیں۔

یہ بھی پڑھیں: جب قومی ٹیم تباہ ہوجائے گی آپ تب کچھ کہیں گے؟ صحافی کے سوال پر بابر اعظم نے کیا کہا؟

صحافی کے سوال پر تمام کھلاڑی ہنس پڑتے ہیں اور بابر اعظم سوال کا جواب دینے کے بجائے رضوان کو اشارہ کرتے ہیں کہ اس سوال کا جواب وہ دیں لیکن محمد رضوان بھی اس پر خاموش رہتے ہیں جس پر شاہین شاہ آفریدی کہتے ہیں کہ وہ اس سوال کا جواب دیتے ہیں۔

شاہین شاہ آفریدی نے کہا کہ جتنی بلے بازوں کی ذمہ داری ہے اتنی ہی ذمہ داری بولرز کی بھی ہے کہ وہ مخالف ٹیم سے 200 رنز نہ کھائیں۔ اور آج کل کی کرکٹ میں وکٹیں کافی اچھی ہوتی ہیں اگر ہم 200 رنز بنا بھی لیں تو ہماری ذمہ داری ہے کہ مخالف ٹیم یہ ہدف پورا نہ کر سکے۔ انہوں نے کہا کہ کچھ ٹائم سے کرکٹ زوال کا شکار ہے اور وہ ہماری ہی وجہ سے ہے تو ہم ہی اسے اوپر لے کر آئیں گے۔

Babar Azam was asked why Pakistan fails in big chases.He asked Rizwan to answer, but Rizwan had no response.

Shaheen stepped in and said it's a team game, and they need to bowl better too.

A great gesture by Shaheen Shah Afridi.pic.twitter.com/FNyXPuHOhE

— junaiz (@dhillow_) April 10, 2025

ایک صارف نے ویڈیو پر تبصرہ کرتے ہوئے کہا کہ کسی نے تو ذمہ داری اٹھائی، اور مان بھی رہے ہیں کہ کم از کم ہم کمزوریوں کو بہتر کر سکتے ہیں۔

Chlo Kisi ny tu zimadari uthai , at least maan tu rhy Hain k behtr kr skty Hain, https://t.co/US523Dex4g

— pct (@pctpct15) April 10, 2025

ایک صارف کا کہنا تھا کہ صحافیوں نے 30 میں سے 25 سوال بابر اعظم سے پوچھے، حالانکہ رضوان کپتان ہیں اور شاداب نائب کپتان۔ آخر ہر سوال کا جواب بابر ہی کیوں دے؟ وہ پاکستان ٹیم کا واحد کھلاڑی نہیں ہے۔ اس نے بالکل ٹھیک کیا کہ سوال کا جواب نہیں دیا۔

journalists asked 25 questions out of 30 to Babar Azam despite being rizwan the captain and shadab vc why babar should answer every question??? he's not the only player playing in pak team he did right to not answer the question https://t.co/1Ra60Y9kQF

— navy (@ishqwishq_) April 10, 2025

بابر اعظم کے حامی ایک صارف نے کہا کہ انہوں نے جواب نہ دے کر بہت اچھا کیا ہے جو اتھارٹی میں ہیں جواب بھی وہی دیں۔