نامور پاکستانی اداکار فواد خان 9 سال کے وقفے کے بعد بالی ووڈ واپسی کررہے ہیں، وہ بھارتی اداکارہ وانی کپور کے ساتھ آنے والے رومانوی فلم عبیر گلال میں کام کررہے ہیں۔
فواد خان آخری بار بالی ووڈ میں 2016 کی کامیاب فلم کپور اینڈ سنز میں نظر آئے تھے، اس کے بعد دونوں ممالک کے درمیان بڑھتی ہوئی سیاسی کشیدگی کے درمیان وہ بالی ووڈ انڈسٹری سے غائب رہے۔
یہ بھی پڑھیں: فواد خان کی بالی ووڈ میں واپسی پر سنی دیول، امیشا پٹیل اور ماورا حسین بول اٹھے
عبیر گلال کا گانا عشق خدایا ریلیز کردیا گیا ہے، اس گانے نے پاکستان اور انڈیا میں بھرپوز پذیرائی سمیٹی ہے۔
بھارتی میڈیا کے مطابق فواد خان مبینہ طور پر عبیر گلال میں اپنے کردار کے لیے 5 سے 10 کروڑ کے درمیان معاوضہ لے رہے ہیں۔ اس کے مقابلے میں پاکستان میں ٹیلی ویژن ڈراموں کے لیے ان کی فی قسط کی فیس 15 سے 20 لاکھ روپے کے درمیان ہے۔
یہ بھی پڑھیں: بھارتی اداکارہ ریدھی ڈوگرا نے فواد خان کے ساتھ فلم کرنے سے پہلے کونسی تحقیقات کیں؟
ان کی ساتھی اداکارہ وانی کپور، جو خاتون کا مرکزی کردار ادا کررہی ہیں، مبینہ طور پر اس فلم کے لیے تقریباً ڈیڑھ کروڑ روپے لے رہی ہیں۔
عبیر گلال کی ہدایت کاری آرتی ایس بگدی نے کی ہے اور اس کی شوٹنگ لندن کے دلکش پس منظر میں کی گئی ہے۔ یہ فلم 9 مئی 2025 کو تھیٹر میں ریلیز ہونے والی ہے۔
