پاکستان کرکٹ ٹیم کے سابق کپتان شاہد آفریدی کا کہنا ہے کہ اگر وہ اپنے رابطوں کا استعمال کرتے تو وہ پی سی بی کے چیئرمین ہوتے اور اگر کبھی پی سی بی جوائن کرنا ہوا تو پاکستان اور کھلاڑیوں کی خاطر ہوگا۔
یہ بھی پڑھیں:شاہد آفریدی کی نظر میں قومی کرکٹ ٹیم کی کپتانی کے لیے کون موزوں؟
گلگت میں صحافیوں سے گفتگو کرتے ہوئے مایہ ناز پاکستانی آل راؤنڈر کا کہنا تھا کہ انہیں کانٹریکٹ چاہیے نہ کچھ اور، اللہ کا دیا سب کچھ ہے۔ ’اگر آؤں گا پی سی بی میں تو پاکستان کی خاطر آؤں گا، بچوں کے لیے آؤں گا۔‘
If I was using my contacts i would have been a chairman in the PCB and if i ever join PCB i will join because of Pakistan and players – Shahid Afridi#Cricket | #Pakistan | #ShahidAfridi | #Gilgit | #PCB pic.twitter.com/XZb72AAen3
— Khel Shel (@khelshel) April 17, 2025
’پہلی بات تو یہ کہ کیا مجھے اچھا لگے گا کہ میں پی سی بی کے پاس جاؤں اور کہوں کہ مجھے یہ نوکری چاہیے، عزت دینے سے عزت ملتی ہے۔۔۔نہ مجھے اوپر لیول کا کوئی کام چاہیے، میں ہمیشہ سے گراس روٹ لیول کی بات کرتا آیا ہوں۔‘
مزید پڑھیں:شاہد آفریدی جھل مگسی ڈیزرٹ چیلنج جیپ ریلی میں حصہ لیں گے؟
شاہین شاہ کی ٹیم میں شمولیت سے متعلق پوچھے گئے سوال پر شاہد آفریدی کا کہنا تھا کہ اگر وہ اپنا اثرورسوخ استعمال کرتے تو پی سی بی کے چیئرمین ہوتے۔ ’مجھے ان چیزوں کا شوق نہیں ہے، اور نہ ہی مجھے کرسی کی لالچ ہے۔‘
