اقوام متحدہ کے سیکریٹری جنرل انتونیو گوتریش نے پاکستان اور بھارت سے اپیل کی ہے کہ وہ زیادہ سے زیادہ تحمل کا مظاہرہ کریں اور اس بات کو یقینی بنائیں کہ جموں وکشمیر میں مسلح حملے کے بعد ہونے والی صورتحال اور پیش رفت مزید خراب نہ ہو۔
یہ بھی پڑھیں:قومی سلامتی کمیٹی میں کیے جانے والے اہم فیصلے کیا ہیں؟
گزشتہ روز نیویارک میں اقوام متحدہ کے ہیڈ کوارٹر میں دوپہر کی باقاعدہ بریفنگ میں ایک سوال کے جواب میں سیکرٹری جنرل کے ترجمان اسٹیفن ڈوجارک نے کہا کہ سیکرٹری جنرل صورتحال کو بہت قریب سے اور انتہائی تشویش کے ساتھ دیکھ رہے ہیں۔
واضح رہے کہ بھارت کے زیر قبضہ کشمیر کے علاقے پہلگام میں ہوئے ایک حملے کے بعد بھارت کی جانب سے پاکستان دشمن اقدام اٹھائے گئے، ان بھارتی اقدامات میں سندھ طاس معاہدے کا معطل کیے جانا بھی شامل ہے۔
یہ بھی پڑھیں:پانی روکنے کا فیصلہ اعلان جنگ تصور کیا جائے گا، قومی سلامتی کمیٹی کا اعلامیہ جاری
بھارت کی جانب سے ناکام فالس فلیگ آپریشن اور اس کا ملبہ پاکستان پر ڈالنے کے جواب میں پاکستان نے بھارتی جہازوں کے لیے فضائی حدود بند کیے جانے سمیت ایسے ہی جوابی اقدامات اٹھائے گئے ہیں جیسا کہ پاکستان کیخلاف بھارت نے اٹھائے ہیں۔
