پی ایس ایل کے ایک اہم ترین میچ میں پشاور زلمی نے ملتان سلطانز کو 7 وکٹوں سے ہرا دیا۔
ملتان سلطانز پہلے کھیلتے ہوئے 19.1 اوورز میں 108 رنز بنا سکی۔ جبکہ پشاور زلمی نے 13 اوورز میں ہدف حاصل کرلیا۔
ملتان میں کھیلے جانے والے میچ میں ملتان سلطانز نے پشاور زلمی کے خلاف ٹاس جیت کر بیٹنگ کا فیصلہ کیا۔ تاہم ملتان سلطانز کا کوئی بھی بلے باز جم کر نہ کھیل سکا۔ ملتان سلطانز کی جانب سے شائی ہوپ 23 اور طیب طاہر 22 رنز بنا کر نمایاں رہے۔
پشاور زلمی کے احمد دانیال نے 3، معاذ صداقت اور لوک ووڈ نے 2،2 وکٹیں حاصل کیں۔
جواب میں پشاور زلمی کے صائم ایوب 49 رنز بنا کر نمایاں رہے جبکہ میکس برائنٹ نے 38 رنز کی اننگ کھیلی۔ ملتان سلطانز کی جانب سے شاہد عزیز نے 2 اور ڈیوڈ ویلی نے ایک وکٹ حاصل کی۔
