پاکستان سپر لیگ 2025 کے 26ویں میچ میں کوئٹہ گلیڈی ایٹرز نے اسلام آباد یونائیٹڈ کو 109 رنز سے ہرادیا۔
فاتح ٹیم کی جانب سے دیے گئے 265 رنز کے ہدف کے تعاقب میں اسلام آباد یونائیٹڈ 19 اعشاریہ 3 اوورز میں ہی محض 154 رنز بناکر آؤٹ ہوگئی۔
کوئٹہ گلیڈی ایٹرز کی جانب سے محمد عامر نے 3، ابرار احمد نے 2، محمد وسیم جونیئر نے 2، فہیم اشرف، خرم شہزاد اور سعود شکیل نے ایک ایک کھلاڑی آؤٹ کیا۔
اسلام آباد یونائیٹڈ کی جانب سے عماد وسیم نمایاں بیٹسمین رہے جنہوں نے 41 گیندوں پر 56 رنز بنائے۔
راولپنڈی انٹرنیشنل کرکٹ اسٹیڈیم میں کھیلے جارہے میچ میں اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا اور کوئٹہ گلیڈی ایٹرز کو پہلے بیٹنگ کی دعوت دی، کوئٹہ گلیڈی ایٹرز نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 263 رنز بنائے اور اسلام آباد یونائیٹڈ کو جیت کے لیے 264 رنز کا ہدف دیا۔ ریلے روسیو اور حسن نواز کی سینچریوں کی بدولت کوئٹہ گلیڈی ایٹرز کی ٹیم اسلام آباد یونائیٹڈ کو جیت کے لے ایک مشکل ہدف دینے میں کامیاب رہی۔
کوئٹہ گلیڈی ایٹرز نے پہلے بیٹنگ کرتے ہوئے 3 وکٹوں کے نقصان پر 200 رنز بنالیے ہیں، کوئٹہ گلیڈی ایٹرز کی جانب سے فن ایلن 5 رنز بناکر رن آؤٹ ہوئے،سعود شکیل 23 رنز بنا کر نسیم شاہ کی گیند پر حیدر علی کے ہاتھوں کیچ آؤٹ ہوئے۔
کوئٹہ گلیڈی ایٹرز کی جانب سے ریلے روسیو نے شاندار اننگز کھیلی، انہوں نے 104 رنز بنائے، انہیں عماد وسیم نے آؤٹ کیا، حسن نواز نے بھی ناقابل شکست 100 رنز بنائے اور آؤٹ نہیں ہوئے، ۔
۔
یاد رہے کہ کوئٹہ پی ایس ایل 2025 کے پوائنٹس ٹیبل پر کوئٹہ گلیڈی ایٹرز 11 پوائنٹس کے ساتھ ٹاپ پر ہے اور پلے آف مرحلے میں جگہ بنالی ہے، اسلام آباد یونائیٹڈ کی لگاتار 3 شکستوں کے بعد پوزیشن خطرے میں آگئی ہے۔
ہیڈ ٹو ہیڈ مقابلوں میں دونوں ٹیموں نے دس ،دس میچوں میں کامیابی حاصل کی ہے۔
